പയ്യന്നൂര്‍: പിക്കപ്പ് വാനിടിച്ച് സൈക്കിള്‍ യാത്രികനായ വയോധികന് മരിച്ചു. കാങ്കോല്‍ പാനോത്തെ മുണ്ടയാട്ട് വളപ്പില്‍ കൃഷ്ണൻ (കുഞ്ഞപ്പന്‍- 64) ആണ് മരിച്ചത്.
മൃതദേഹം പോസ്റ്റുമോര്‍ട്ടത്തിനായി പരിയാരത്തെ കണ്ണൂര്‍ ഗവ. മെഡിക്കല്‍ കോളജില്‍. ഇന്നു രാവിലെ ആറരയോടെ കുണ്ടയംകൊവ്വലിലാണ് അപകടം. കുണ്ടയംകൊവ്വലില്‍ നിന്ന് പാല്‍ വാങ്ങി വീട്ടിലേക്ക് വരുന്നതിനിടെ സൈക്കിളില്‍ പിക്കപ്പ് വാനിടിക്കുകയായിരുന്നു.
നാട്ടുകാർ ഉടൻ തന്നെ പയ്യന്നൂരിലെ സ്വകാര്യ ആശുപത്രിയിലെത്തിച്ച കൃഷ്ണനെ കണ്ണൂരിലെ സ്വകാര്യ ആശുപത്രിയിലേക്ക് കൊണ്ടുപോകുന്നതിനിടെ പരിയാരത്തെത്തിയപ്പോള്‍ മരിക്കുകയായിരുന്നു. ഭാര്യ:ശാന്ത.
മക്കള്‍:ഗീത(മംഗളൂരു),ശ്രീജ(ഹൈദരാബാദ്). മരുമക്കള്‍: രമേശന്‍ (മംഗളൂരു), ബാബു(ഹൈദരാബാദ്). സഹോദരങ്ങള്‍: എം.കുഞ്ഞിരാമന്‍ (മാസ്‌റ്റേഴ്‌സ് ബേക്കറി, കാങ്കോല്‍), പരേതനായ തമ്പാന്‍.
