ദേ​ശീ​യ​പാ​ത സ​ർ​വീ​സ് റോ​ഡിൽ‌ അപകടം; വ​ണ്‍​വേ തെറ്റിച്ചതാണ് അപകടമെന്ന് അ​ധി​കൃ​ത​ർ;  മുതലെടുത്ത് ഇൻഷുറൻസ് കമ്പനികൾ; അ​പ​ക​ട​ത്തി​ൽ പ​രി​ക്കേ​റ്റ് മ​ന​സും ശ​രീ​ര​വും ത​ള​ർ​ന്ന് സ​തീ​ഷ്

പ​ട്ടി​ക്കാ​ട്: ദേ​ശീ​യ​പാ​ത സ​ർ​വീ​സ് റോ​ഡി​ൽ സ്കൂ​ട്ട​റും ബൈ​ക്കും ത​മ്മി​ൽ കൂ​ട്ടി​യി​ടി​ച്ചു​ണ്ടാ​യ അ​പ​ക​ട​ത്തി​ൽ പ​രി​ക്കേ​റ്റ ആ​ൽ​പ്പാ​റ ഇ​ട​യ​ത്തു വ​ള​പ്പി​ൽ സ​തീ​ഷ് ആ​ണ് മ​ന​സും ശ​രീ​ര​വും ത​ള​ർ​ന്ന് ജീ​വി​തം വ​ഴി​മു​ട്ടി​യ അ​വ​സ്ഥ​യി​ൽ കി​ട​പ്പി​ലാ​യ​ത്.

ന​വം​ബ​ർ പ​ത്താം തി​യ്യ​തി വൈ​കീ​ട്ട് താ​ണി​പ്പാ​ട​ത്ത് വ​ച്ചാ​യി​രു​ന്നു അ​പ​ക​ടം സം​ഭ​വി​ച്ച​ത്. അ​പ​ക​ട​ത്തി​ൽ​പെ​ട്ട ബൈ​ക്കി​ന്‍റെ പു​റ​കി​ൽ ഇ​രു​ന്ന് യാ​ത്ര ചെ​യ്യു​ക​യാ​യി​രു​ന്നു സ​തീ​ഷ്.

ഇ​ടി​യു​ടെ ആ​ഘാ​ത​ത്തി​ൽ റോ​ഡി​ലേ​ക്ക് തെ​റി​ച്ചു​വീ​ണ സ​തീ​ഷി​ന്‍റെ ക​ഴു​ത്തി​ന് പു​റ​കി​ലും ന​ട്ടെ​ല്ലി​നും ക്ഷ​ത​മേ​ൽ​ക്കു​ക​യാ​യി​രു​ന്നു.

പ​രി​ക്കേ​റ്റ ഉ​ട​നെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചെ​ങ്കി​ലും ന​ട്ടെ​ല്ലി​നേ​റ്റ ക്ഷ​തം മൂ​ലം അ​ര​യ്ക്കു താ​ഴെ ച​ല​ന​ശേ​ഷി പൂ​ർ​ണ​മാ​യും ന​ഷ്ട​പ്പെ​ട്ട അ​വ​സ്ഥ​യി​ലാ​ണ്.

കൂ​ലി​പ്പ​ണി​ക്കാ​ര​നാ​യ സ​തീ​ഷ് ആ​യി​രു​ന്നു കു​ടും​ബ​ത്തി​ന്‍റെ ഏ​ക അ​ത്താ​ണി. സ​തീ​ഷ് കി​ട​പ്പി​ലാ​യ​തോ​ടെ പ്ര​തീ​ക്ഷ​ക​ളും സ്വ​പ്ന​ങ്ങ​ളും ത​ക​ർ​ന്ന അ​വ​സ്ഥ​യി​ലാ​ണ് കു​ടും​ബം.

ഭാ​ര്യ ദീ​പ വീ​ട്ടി​ൽ ത​ന്നെ ത​യ്യ​ൽ ജോ​ലി​ക​ൾ ചെ​യ്യു​ന്നു​ണ്ടെ​ങ്കി​ലും വീ​ട്ടി​ലെ ചെല​വു​ക​ൾ​ക്ക് പോ​ലും അ​തു തി​ക​യി​ല്ല. മ​ക്ക​ളാ​യ അ​രു​ന്ധ​തി​യും ആ​രോ​മ​ലും വി​ദ്യാ​ർ​ഥി​ക​ളാ​ണ്.

സ​തീ​ഷി​ന്‍റെ മ​ന​സി​നെ ത​ള​ർ​ത്തി​യ പ്ര​ശ്നം മ​റ്റൊ​ന്നാ​ണ്. സ​ർ​വീ​സ് റോ​ഡി​ലൂ​ടെ തൃ​ശൂ​ർ ഭാ​ഗ​ത്തേ​ക്കു വ​ന്ന സ​തീ​ഷ് സ​ഞ്ച​രി​ച്ച ബൈ​ക്ക് വ​ണ്‍​വേ നി​യ​മം തെ​റ്റി​ച്ചാ​ണ് ക​ട​ന്നുവ​ന്ന​തെ​ന്നാ​ണ് അ​ധി​കൃ​ത​രു​ടെ വാ​ദം.

ദേ​ശീ​യ​പാ​ത​യു​ടെ സ​ർ​വീ​സ് റോ​ഡു​ക​ൾ എ​ല്ലാം വ​ണ്‍​വേ ആ​ണെ​ന്നും അ​വ​ർ പ​റ​യു​ന്നു. എ​ന്നാ​ൽ ഇ​തൊ​ന്നും വ്യ​ക്ത​മാ​ക്കു​ന്ന ഒ​രു സൂ​ച​നാ ബോ​ർ​ഡു​പോ​ലും ദേ​ശീ​യ​പാ​ത​യി​ൽ ഇ​ല്ല.

നി​ർ​മാ​ണ പ്ര​വ​ർ​ത്ത​ന​ങ്ങ​ൾ തു​ട​ർ​ന്നു​കൊ​ണ്ടി​രി​ക്കു​ന്ന​തി​നാ​ൽ ഓ​രോ ദി​വ​സ​വും ഓ​രോ വ​ഴി​യി​ലൂ​ടെ​യാ​ണ് ഗ​താ​ഗ​ത നി​യ​ന്ത്ര​ണ​ങ്ങ​ൾ ഇ​വി​ടെ ന​ട​പ്പാ​ക്കാ​റു​ള്ള​ത്.

സ​മീ​പ പ്ര​ദേ​ശ​മാ​യ തെ​ക്കും​പാ​ടം ഭാ​ഗ​ത്തേ​ക്കു​ള്ള സ്വ​കാ​ര്യ ബ​സ് പോ​ലും നി​ല​വി​ൽ അ​ധി​കൃ​ത​ർ ക​ട​ത്തി​വി​ടു​ന്ന​ത് വ​ണ്‍​വേ തെ​റ്റി​ച്ച് സ​ർ​വീ​സ് റോ​ഡി​ലൂ​ടെ​യാ​ണ്.

ഇ​വി​ടെ​യാ​ണ് ഇ​ൻ​ഷ്വറ​ൻ​സ് ക​ന്പ​നി​ക​ൾ പോ​ലു​ള്ള​വ​ർ മു​ത​ലെ​ടു​പ്പ് ന​ട​ത്തു​ന്ന​ത്. വ​ണ്‍​വേ തെ​റ്റി​ച്ച് പോ​കു​ന്ന വാ​ഹ​ന​ങ്ങ​ൾ​ക്കു​ണ്ടാ​കു​ന്ന അ​പ​ക​ട​ങ്ങ​ൾ​ക്ക് ഇ​ൻ​ഷ്വറ​ൻ​സ് തു​ക ല​ഭി​ക്കി​ല്ല എ​ന്ന​താ​ണ് അ​വ​രു​ടെ വാ​ദം.

ഇ​തൊ​ന്നും അ​റി​യാ​തെ​യാ​ണ് ഭൂ​രി​ഭാ​ഗം ആ​ളു​ക​ളും ഇ​വി​ടെ വാ​ഹ​നം ഓ​ടി​ക്കു​ന്ന​ത്. ഇ​തു​പോ​ലെ അ​പ​ക​ട​ത്തി​ൽ പെ​ട്ട​താ​ണ് സ​തീ​ഷ് സ​ഞ്ച​രി​ച്ച വാ​ഹ​ന​വും. അ​തു​കൊ​ണ്ടു​ത​ന്നെ അ​പ​ക​ട​ത്തി​ൽ​പെ​ട്ട് കി​ട​പ്പി​ലാ​യ സ​തീ​ഷി​ന് അ​ർ​ഹ​മാ​യ തു​ക ല​ഭി​ക്കാ​ത്ത അ​വ​സ്ഥ​യാ​ണ് ഇ​പ്പോ​ഴു​ള്ള​ത്.

ദേ​ശീ​യ​പാ​ത അ​ഥോ​റി​റ്റി​യു​ടെ അ​നാ​സ്ഥ​മൂ​ലം ജീ​വി​തം വ​ഴി​മു​ട്ടി​യ അ​നേ​കം കു​ടും​ബ​ങ്ങ​ൾ പാ​ണ​ഞ്ചേ​രി പ​ഞ്ചാ​യ​ത്തി​ൽ ഉ​ണ്ട്.

ദേ​ശീ​യ​പാ​ത​യി​ലൂ​ടെ പോ​കു​ന്ന വാ​ഹ​ന​ങ്ങ​ളു​ടെ അ​മി​ത​മാ​യ വെ​ളി​ച്ച​വും സ​ർ​വീ​സ് റോ​ഡി​ലെ വെ​ളി​ച്ച​ക്കു​റ​വും മൂ​ലം റോ​ഡി​ലെ കു​ഴി​ക​ൾ ശ്ര​ദ്ധ​യി​ൽ പെ​ടാ​തി​രു​ന്ന​തും അ​പ​ക​ട​ത്തി​നു കാ​ര​ണ​മാ​കാ​റു​ണ്ട്.

ഇ​നി​യെ​ങ്കി​ലും നി​ർ​മാ​ണ പ്ര​വ​ർ​ത്ത​ന​ങ്ങ​ൾ എ​ത്ര​യും വേ​ഗം പൂ​ർ​ത്തീ​ക​രി​ച്ച്, സു​ര​ക്ഷാ സം​വി​ധാ​ന​ങ്ങ​ളും ദി​ശാ​ബോ​ർ​ഡു​ക​ളും സ്ഥാ​പി​ച്ച് ജ​ന​ങ്ങ​ളു​ടെ സു​ര​ക്ഷ ഉ​റ​പ്പു​വ​രു​ത്തു​ന്ന​തി​ന് ആ​വ​ശ്യ​മാ​യ ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്ന് നാ​ട്ടു​കാ​ർ ആ​വ​ശ്യ​പ്പെ​ടു​ന്നു.