പോത്തൻകോട് : പൂലന്തറ ശാന്തിഗിരിക്ക് സമീപം ലോറിയും സ്‌കൂട്ടറും കൂട്ടിയിടിച്ചുണ്ടായ അപകടത്തിൽ സ്‌കൂട്ടർ യാത്രക്കാരനായ പ്ലസ് ടു വിദ്യാർഥി മരിച്ചു.കൂടെയുണ്ടായിരുന്ന ഒരാൾക്ക് ഗുരുതര പരിക്ക്.
ചെമ്പഴന്തി എച്ച്എസ്എസിലെ പ്ലസ് ടു വിദ്യാർഥി ശ്രീകാര്യം കരിയം കല്ലുവിള ശ്രീകല ഭവനിൽ ശ്രീജേഷ് മഹേന്ദ്രൻ(18) ആണ് മരിച്ചത്.
ബൈക്ക് ഓടിച്ചിരുന്ന കരിയം സ്വദേശിയായ അനന്തവുവിനെ വെഞ്ഞാറമൂട്ടിലെ സ്വകാര്യ ആശുപത്രിയിൽ പ്രവേശിപ്പിച്ചു.
ഇന്ന് രാവിലെ 6 മണിയോടെ സോഫ്റ്റ് ബോൾ കളിച്ച ശേഷം കോലിയക്കോട് നിന്നും പോത്തൻകോട് ഭാഗത്തേയ്ക്ക് വരുന്നതിനിടെ പോത്തൻകോട് നിന്നും വെഞ്ഞാറമൂട്ടിലേയ്ക്ക് പോകുകയാരുന്ന അമിത വേഗതയിൽ വന്ന ലോറി ഇടിക്കുകയായിരുന്നു.
തുടർന്ന് ശ്രീജേഷ് സംഭവ സഥലത്ത് വെച്ച് തന്നെ മരിക്കുകയായിരുന്നു.മഹേന്ദ്രൻ ആണ് മരിച്ച ശ്രീജേഷിൻറെ പിതാവ്,കല മാതാവ്. മഹേഷ് സഹോദരനാണ്.
