വടക്കാഞ്ചേരി: ഡിവൈൻ ആശുപത്രി ബസ് സ്റ്റോപ്പിന് സമീപം പുഴപ്പാലത്ത് കാറുകൾ കൂട്ടിയിടിച്ചുണ്ടായ അപകടത്തിൽ രണ്ടുകുട്ടികളടക്കം എട്ടുപേർക്ക് പരിക്കേറ്റു. രാത്രി 12.15ഓടെയാണ് അപകടം.
അപകടത്തിൽ പരിക്കേറ്റ ചേലക്കര സ്വദേശികളായ വെങ്ങാനെല്ലൂർ ചെർളങ്ങാട് അഭിലാഷ് (34), അശ്വതി (26), കൃഷ്ണാങ്ക് (5), അദ്രിനി (3)എന്നിവരെ തൃശൂരിലെ സ്വകാര്യ ആശുപത്രിയിലും കർണാകട സ്വദേശികളായ അഞ്ച് അയ്യപ്പഭക്തരെ തൃശൂർ മെഡിക്കൽ കോളജിലും പ്രവേശിപ്പിച്ചു.
ഇതിൽ ഒരു അയ്യപ്പഭക്തന്‍റെ നില ഗുരുതരമാണ്. കർണാടകയിലെ ബെല്ലാരിയിൽനിന്ന് ശബരിമലയ്ക്ക് പോവുകയായിരുന്ന അയ്യപ്പഭക്തർ സഞ്ചരിച്ച കാറും ചേലക്കരയിൽ നിന്നുള്ള കുടുംബം സഞ്ചാരിച്ചിരുന്ന കാറും തമ്മിലാണ് കൂട്ടിയിടിച്ചത്.
ഇടിയുടെ ആഘാതത്തിൽ ഇരു കാറുകളും ഭാഗികമായി തകർന്നു. വടക്കാഞ്ചേരി പോലീസ് സ്ഥലത്തെത്തി പരിക്കേറ്റവരെ ആശുപത്രിയിലാക്കുകയും ഗതാഗത തടസം നീക്കുകയും ചെയ്തു.
