കൊല്ലം: മഞ്ചേരിയിൽനിന്നും സ്കൂൾ കുട്ടികളുമായി തിരുവനന്തപുരത്തേക്ക് പോയ വിനോദയാത്രാസംഘം സഞ്ചരിച്ചിരുന്ന ബസ് കണ്ടെയ്നർ ലോറിയുടെ പിറകിലിടിച്ച് ആറുകുട്ടികൾക്കും ബസ് ക്ലീനർക്കും പരിക്ക്. ഇന്ന് പുലർച്ചെ കൊല്ലം കളക്ടറേറ്റിന് സമീപമായിരുന്നു അപകടം. വെസ്റ്റ് പോലീസെത്തി പരിക്കേറ്റവരെ കൊല്ലം ജില്ലാആശുപത്രിയിലെത്തിച്ചു. അടിയന്തിര ചികിത്സ നൽകിയശേഷം ഏഴോടെ കുട്ടികളെ വിട്ടയച്ചു.
രണ്ട് ബസുകളിലായാണ് വിനോദസംഘമെത്തിയത്. ഇതിലൊരുബസാണ് അപകടത്തിൽപ്പെട്ടത്. രണ്ടുബസുകളിലും കൂടി ആൺകുട്ടികളും പെൺകുട്ടികളുമായി നൂറോളം പേർ ഉണ്ടായിരുന്നു. അപകടത്തിൽ ബസിന്‍റെ മുൻഭാഗം തകർന്നിട്ടുണ്ട്.
