കോഴിക്കോട്: കോഴിക്കോട് വടകരയിൽ കാറും ലോറിയും കൂട്ടിയിടിച്ച് ഒരു കുടുംബത്തിലെ മൂന്നു പേർ മരിച്ചു. തൃശൂർ സ്വദേശികളായ പത്മനാഭൻ, ഭാര്യ പങ്കജാക്ഷിയമ്മ, ഇവരുടെ മകൻ എന്നിവരാണ് മരിച്ചത്. പരിക്കേറ്റ ഒരാളെ കോഴിക്കോട് മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.
പുലർച്ചെ രണ്ടുമണിയോടെ കണ്ണൂക്കരയിലായിരുന്നു അപകടം. മംഗലാപുരത്തുനിന്ന് തൃശൂരിലേക്കു പോവുകയായിരുന്ന കുടുംബമാണ് അപകടത്തിൽപെട്ടത്. ഇരുവാഹനങ്ങളും നേർക്കുനേർ കൂട്ടിയിടിക്കുയായിരുന്നു. രണ്ടുപേർ സംഭവസ്ഥലത്തുവെച്ച് തന്നെ മരിച്ചു.
