ലോസ് ആഞ്ചലസ്: ഹോളിവുഡ് നടനും കലിഫോർണിയ മുൻ ഗവർണറുമായ അർനോൾഡ് ഷ്വാർസെനഗറുടെ കാർ അപകടത്തിൽപ്പെട്ടു.
വെള്ളിയാഴ്ച വൈകിട്ട് ബ്രെന്‍റ്‌വുഡിൽ സണ്‍സെറ്റ് ബുളവാഡിനും അല്ലൻഫോഡിനും ഇടയിലാണ് അപകടമുണ്ടായതെന്നു ലോസ് ആഞ്ചലസ് പോലീസ് ഡിപ്പാർട്ട്മെന്‍റ് വക്താവ് അറിയിച്ചു.
അർനോൾഡ് സഞ്ചരിച്ചിരുന്ന യൂകോണ് എസ്‌യ‌ു‌‌‌വി ഒരു സ്ത്രീ ഓടിച്ചിരുന്ന കാറുമായി കൂട്ടിയിടിക്കുകയായിരുന്നു.
ഇതിനുശേഷം അർനോൾഡിന്റെ വാഹനം മറ്റൊരു പോർഷെ കാറുമായും കൂട്ടിയിടിച്ചു. അപകടത്തിൽ സ്ത്രീയുടെ തലയ്ക്കു പരിക്കേറ്റു. ഇവരെ ഉടൻ ആശുപത്രിയിൽ പ്രവേശിപ്പിച്ചു.
അപകടത്തിൽ ഉൾപ്പെട്ടവരുടെയും വാഹനങ്ങളുടെയും വിവരങ്ങൾ എൽഎപിഡി ഔദ്യോഗികമായി പുറത്തുവിട്ടിട്ടില്ല.
അർനോൾഡിന് അപകടത്തിൽ പരിക്കേറ്റിട്ടില്ലെന്നാണ് അദ്ദേഹത്തിന്‍റെ വക്താവ് വ്യക്തമാക്കിയത്.
