പ​ഞ്ചാ​യ​ത്ത് സ്റ്റാ​ൻ​ഡി​ങ് ക​മ്മി​റ്റി ചെ​യ​ർ​മാ​നു നേരേ ആ​സി​ഡ് ആ​ക്ര​മ​ണം; പ്ര​തിയായ സിപിഐ നേതാവ് ത​മി​ഴ്നാ​ട്ടി​ലേ​ക്ക് ക​ട​ന്നെ​ന്ന് സൂ​ച​ന; ആസൂത്രണ ആക്രമണമെന്ന് പോലീസ്

കാ​ട്ടാ​ക്ക​ട : മാ​റ​ന​ല്ലൂ​ർ പ​ഞ്ചാ​യ​ത്ത് സ്റ്റാ​ൻ​ഡി​ങ് ക​മ്മി​റ്റി ചെ​യ​ർ​മാ​നെ ആ​സി​ഡ് ഒ​ഴി​ച്ച കേ​സി​ൽ പ്ര​തി​ക്കാ​യു​ള്ള അ​ന്വേ​ഷ​ണം ഊ​ർ​ജി​ത​മാ​ക്കി പോ​ലീ​സ്.

ആ​സി​ഡ് ആ​ക്ര​മ​ണ​ത്തി​ന് ഇ​ര​യാ​യ സു​ധീ​ർ​ഖാ​ന്‍റെ സു​ഹൃ​ത്താ​യ സി​പി​ഐ നേ​താ​വി​നെ കേ​ന്ദ്രീ​ക​രി​ച്ചാ​ണ് അ​ന്വേ​ഷ​ണം. ഇ​ന്ന​ലെ മു​ത​ൽ ഇ​യാ​ൾ ഒ​ളി​വി​ലാ​ണ്.

ഇ​യാ​ൾ ത​മി​ഴ്‌​നാ​ട്ടി​ലേ​ക്ക് ക​ട​ന്നി​ട്ടു​ണ്ടെ​ന്ന സം​ശ​യ​വും പോ​ലീ​സി​നു​ണ്ട്. മൊ​ബൈ​ൽ ഫോ​ൺ ട​വ​ർ ലൊ​ക്കേ​ഷ​നു​ക​ൾ കേ​ന്ദ്രീ​ക​രി​ച്ചാ​ണ് അ​ന്വേ​ഷ​ണം. ഇ​യാ​ൾ​ക്ക് ത​മി​ഴ്‌​നാ​ട്ടി​ൽ ചി​ല​രു​മാ​യി ബ​ന്ധ​മു​ണ്ട്. ഇ​വ​ർ വ​ഴി അ​വി​ടെ ഒ​ളി​വി​ൽ താ​മ​സി​ക്കു​ന്നു​വോ എ​ന്ന​തും അ​ന്വേ​ഷി​ക്കു​ന്നു​ണ്ട്.

ആ​സൂ​ത്രി​ത​മാ​യി ന​ട​പ്പി​ലാ​ക്കി​യ ആ​ക്ര​മ​ണം എ​ന്നാ​ണ് പോ​ലീ​സി​ന്‍റെ നി​ഗ​മ​നം. സു​ധീ​ർ​ഖാ​നെ ആ​ക്ര​മി​ച്ച ശേ​ഷം ഇ​യാ​ൾ സ്വ​ന്തം വീ​ട്ടി​ലേ​ക്ക് പോ​യി​ട്ടി​ല്ല. ഗു​രു​ത​ര​മാ​യി പൊ​ള്ള​ലേ​റ്റ സു​ധീ​ർ​ഖാ​ൻ തി​രു​വ​ന​ന്ത​പു​രം മെ​ഡി​ക്ക​ൽ കോ​ളേ​ജ് ആ​ശു​പ​ത്രി​യി​ൽ ബേ​ൺ ഐ ​സി യു ​വി​ൽ ചി​കി​ത്സ​യി​ലാ​ണ്.

ഇ​ന്ന​ലെ രാ​വി​ലെ ആ​റ് മ​ണി​യോ​ടെ​യാ​ണ് സം​ഭ​വം. മാ​റ​ന​ല്ലൂ​രി​ലെ വീ​ട്ടി​ൽ കി​ട​ന്നു​റ​ങ്ങു​ക​യാ​യി​രു​ന്നു സു​ധീ​ർ​ഖാ​ൻ. മു​റി​യി​ൽ നി​ന്ന് ശ​ബ്ദം കേ​ട്ട് ഭാ​ര്യ എ​ത്തു​മ്പോ​ൾ സു​ധീ​ർ​ഖാ​ന്‍റെ ദേ​ഹ​മാ​സ​ക​ലം പൊ​ള്ള​ലേ​റ്റ നി​ല​യി​ലാ​യി​രു​ന്നു.

മൊ​ബൈ​ൽ ഫോ​ൺ പൊ​ട്ടി​ത്തെ​റി​ച്ച​തെ​ന്നാ​ണ് ആ​ദ്യം ക​രു​തി​യ​ത്. എ​ന്നാ​ൽ കാ​ട്ടാ​ക്ക​ട​യി​ലെ ആ​ശു​പ​ത്രി​യി​ൽ എ​ത്തി​ച്ച​പ്പോ​ഴാ​ണ് പൊ​ള്ള​ലേ​ൽ​ക്കാ​ൻ കാ​ര​ണം ആ​സി​ഡ് ആ​ണെ​ന്ന് ക​ണ്ടെ​ത്തി​യ​ത്. തു​ട​ർ​ന്ന് സു​ധീ​ർ ഖാ​നെ തി​രു​വ​ന​ന്ത​പു​രം മെ​ഡി​ക്ക​ൽ കോ​ളേ​ജ് ആ​ശു​പ​ത്രി​യി​ലേ​ക്ക് മാ​റ്റി.

ഇ​യാ​ൾ​ക്ക് 40 ശ​ത​മാ​നം പൊ​ള്ള​ലേ​റ്റി​ട്ടു​ണ്ട്. ആ​സി​ഡ് ആ​ണെ​ന്ന് തി​രി​ച്ച​റി​ഞ്ഞ​തോ​ടെ പോ​ലീ​സ് ന​ട​ത്തി​യ അ​ന്വേ​ഷ​ണ​ത്തി​ലാ​ണ് രാ​വി​ലെ ഇ​യാ​ളു​ടെ സു​ഹൃ​ത്താ​യ സി​പി​ഐ നേ​താ​വ് വീ​ട്ടി​ലെ​ത്തി​യ വി​വ​രം ഭാ​ര്യ പ​റ​ഞ്ഞ​ത്.

സു​ധീ​ർ​ഖാ​ന് നി​ല​വി​ളി​ച്ച​തോ​ടെ ഇ​യാ​ൾ ഓ​ടി ര​ക്ഷ​പെ​ട്ടെ​ന്നും ഭാ​ര്യ മൊ​ഴി ന​ൽ​കി. സു​ധീ​ർ​ഖാ​ന്റെ വീ​ട്ടി​ൽ ആ​സി​ഡ് കൊ​ണ്ടു​വ​ന്ന കു​പ്പി ക​ണ്ടെ​ത്തി. ഫൊ​റ​ൻ​സി​ക് വി​ദ​ഗ്ധ​രും സം​ഭ​വ സ്ഥ​ല​ത്ത് പ​രി​ശോ​ധ​ന ന​ട​ത്തി. നേ​ർ​പ്പി​ച്ച ആ​സി​ഡാ​ണ് ഉ​പ​യോ​ഗി​ച്ച​തെ​ന്നാ​ണ് നി​ഗ​മ​നം.