എണ്‍പതുകളില്‍ തമിഴ്‌സിനിമയിലെ സൂപ്പര്‍താരമായിരുന്നു മോഹന്‍. എന്നാല്‍ പിന്നീട് താരം സിനിമയില്‍ നിന്ന് അപ്രത്യക്ഷനാകുകയായിരുന്നു. ഇപ്പോഴിതാ താരം വീണ്ടു സിനിമയിലേക്ക് തിരികെയെത്തുകയാണ്.
വിജയ് ശ്രി ജി സംവിധാനം ചെയ്യുന്ന ഹരയിലൂടെയാണ് താരത്തിന്റെ തിരിച്ചുവരവ്. തമിഴ്‌നാട് മുഖ്യമന്ത്രി എം കെ സ്റ്റാലിനോട് മോഹന്‍ നടത്തിയ ഒരു അഭ്യര്‍ഥനയാണ് ഇപ്പോള്‍ വാര്‍ത്തയായിരിക്കുന്നത്.
സ്ത്രീകള്‍ക്ക് ആര്‍ത്തവ അവധി അനുവദിക്കണമെന്നാണ് താരം പറയുന്നത്.സ്ത്രീകള്‍ക്ക് മൂന്ന് ദിവസത്തെ ആര്‍ത്തവ അവധി അനുവദിക്കാനുള്ള സ്പെയിനിന്റെ തീരുമാനം ശ്രദ്ധയില്‍പ്പെടുത്തിക്കൊണ്ടാണ് മോഹന്റേയും ചിത്രത്തിന്റെ അണിയറപ്രവര്‍ത്തകരുടേയും അഭ്യര്‍ത്ഥന.
ചിത്രത്തില്‍ മോഹന്റെ കഥാപാത്രം തന്റെ മകളുടെ സ്‌കൂളില്‍ ആര്‍ത്തവ അവധി അനുവദിക്കണമെന്ന് അഭ്യര്‍ത്ഥിക്കുന്ന ഒരു രംഗം ഞങ്ങള്‍ ചിത്രീകരിക്കുന്ന സമയത്ത്, സ്പാനിഷ് സര്‍ക്കാരിന്റെ പ്രഖ്യാപനത്തെക്കുറിച്ച് കേള്‍ക്കുന്നത് സന്തോഷകരമാണ്.
നമ്മുടെ മുഖ്യമന്ത്രി എംകെ സ്റ്റാലിനും സമാനമായ തീരുമാനം ഞങ്ങളുടെ നാട്ടിലും നടപ്പിലാക്കുന്നത് സംബന്ധിച്ച കാര്യങ്ങള്‍ പരിഗണിക്കുമെന്ന് പ്രതീക്ഷിക്കുന്നു’ പത്ര പ്രസ്താവനയില്‍ പറയുന്നു.
ആക്ഷന്‍ ഗ്രാമ ചിത്രമായ ഹരയില്‍ ആക്ഷന്‍ റോളിലാണ് മോഹന്‍ പ്രത്യക്ഷപ്പെടുന്നത്. ഒരു അച്ഛനും മകളും തമ്മിലുള്ള ബന്ധത്തിന്റെ കഥ പറയുന്ന ചിത്രം സ്‌കൂള്‍ മുതല്‍ തന്നെ കുട്ടികള്‍ക്ക് ഇന്ത്യന്‍ നിയമം പരിചയപ്പെടുത്തേണ്ടതിന്റെ ആവശ്യകതയും പറഞ്ഞുവെക്കുന്നു.
ചിത്രത്തിന്റെ ഷൂട്ടിംഗ് പുരോഗമിക്കുകയാണ്. ഖുശ്ബു ആണ് ചിത്രത്തില്‍ നായികയാവുന്നത്.
