തലശേരി: കോടികളുടെ സ്വത്ത് സംബന്ധിച്ചു തലശേരിയിലെ പ്രമുഖ കുടുംബത്തിലെ അംഗങ്ങൾ തമ്മിലുള്ള തർക്കം വീണ്ടും രൂക്ഷമായി. കഴിഞ്ഞദിവസം രാത്രിയിലുണ്ടായ സംഘർഷത്തിൽ കുടുംബത്തിലെ നാലു വനിതകൾക്കു പരിക്കേറ്റു. സംഭവത്തിൽ സിനിമാതാരം പ്രണതി ഉൾപ്പെടെ നാലു വനിതകൾക്കെതിരേ വധശ്രമത്തിനു കേസെടുത്തു.
ഹോളേ വേ റോഡിലെ ഗോവർധനത്തിൽ അപർണയുടെ പരാതിപ്രകാരം സഹോദരി പ്രഭ, മകളും സിനിമാതാരവുമായ പ്രണതി എന്നിവർക്കെതിരേയും പ്രണതിയുടെ പരാതിപ്രകാരം മാതൃസഹോദരിമാരായ അപർണ, ജ്യോതി എന്നിവർക്കെതിരേയുമാണ് ടൗൺ പോലീസ് വധശ്രമത്തിനു കേസെടുത്തത്.
ഇതിനകം തോക്കുകേസ് മുതൽ ഗാർഹികപീഡനം വരെ ഒരു ഡസൻ കേസുകളാണ് മജിസ്ട്രേറ്റ് കോടതി മുതൽ ഹൈക്കോടതിവരെയും തലശേരി പോലീസ് സ്റ്റേഷനിലുമായിട്ടുള്ളത്.
