ഫെബ്രുവരി 14ന് റിലീസിനൊരുങ്ങുന്ന ഒരു അഡാര്‍ ലൗവിന്റെ പുതിയ സ്‌നീക്ക് പീക്ക് ടീസര്‍ പുറത്തിറങ്ങി. തമിഴില്‍ ആണ് ടീസര്‍ പുറത്തിറങ്ങിയത്. റോഷനും പ്രിയാവാര്യരുമുള്ള ടീസര്‍ ഇതിനോടകം സോഷ്യല്‍ മീഡിയയില്‍ വൈറലാണ്.
പ്രിയ വാരിയരുടെയും റോഷന്റെയും ലിപ് ലോക്ക് രംഗവുമായിട്ടാണ് തമിഴ് ടീസര്‍ ഇറങ്ങിയിരിക്കുന്നത്. ഇത്തവണയും നിരവധി ആളുകളാണ് ഡിസ് ലൈക്കുമായി രംഗത്തെത്തിയിരിക്കുന്നത്. രണ്ട് മണിക്കൂറിനിടെ ഒരു ലക്ഷത്തിനടുത്ത് കാഴ്ചക്കാരും ഇരുപത്തയ്യായിരം ഡിസ്ലൈക്കുകളുമാണ് ടീസറിന് കിട്ടിയിരിക്കുന്നത്. ലൈക്കുകളുടെ ഇരട്ടിയാണിത്.
അതേസമയം ഇതെന്തോന്ന് കിസ്സടിയാണെന്നും ഇതൊക്കെ അറിയാന്‍ പാടില്ലെങ്കില്‍ നമ്മുടെ ടോവിനോ തോമസിനോട് ചോദിക്കണ്ടേയെന്നുമുള്ള രീതിയിലുള്ള കമന്റുകളാണ് ഏറെയും സോഷ്യല്‍മീഡിയയില്‍ വരുന്നത്. ഇതുമായി ബന്ധപ്പെട്ട ട്രോളുകളും ധാരാളം ഇറങ്ങുന്നുണ്ട്.
വരുന്ന ഫെബ്രുവരി പതിനാലിനാണ് ചിത്രം റിലീസ് ചെയ്യുന്നത്. മലയാളം, തമിഴ്, തെലുങ്ക് ഭാഷകളില്‍ ചിത്രം ഒരുമിച്ച് റിലീസ് ചെയ്യും. പുതുമുഖങ്ങളെ കേന്ദ്രകഥാപാത്രമാക്കിയാണ് ഒമര്‍ ലുലു ഒരു അഡാര്‍ ലവ് അണിയിച്ചൊരുക്കുന്നത്.
