ഒമർ ലുലുവിന്‍റെ അഡാർ ലവിന്‍റെ ചിത്രീകരണം പൂർത്തിയായിക്കൊണ്ടിരിക്കുന്നതേയുള്ളു. അപ്പോഴേക്കും ഒമർ അടുത്തതായി ചെയ്യാൻ പോകുന്ന ചിത്രത്തിന്‍റെ പേര് വെളിപ്പെടുത്തി. പേരിൽ തന്നെ പവറുമായാണ് ഒമറിന്‍റെ വരവ്.
പവർ സ്റ്റാറെന്നാണ് ചിത്രത്തിന്‍റെ പേര്. എന്നാൽ ചിത്രത്തിൽ ആരൊക്കെ അഭിനയിക്കും എന്നതിനെക്കുറിച്ചോ ഉള്ള വിവരങ്ങൾ ഒമർ പുറത്തു വിട്ടിട്ടില്ല. ഫെയ്സ്ബുക്കിലൂടെയാണ് തന്‍റെ അടുത്ത പ്രൊജക്ടിനെ കുറിച്ച് സംവിധായകൻ വെളിപ്പെടുത്തിയത്.
അഡാറ് ലവിലെ മാണിക്യമലരായ എന്നു തുടങ്ങുന്ന ഗാനം ചിത്രം ഇറങ്ങും മുന്നേ തന്നെ വൈറലായി മാറിയിരുന്നു.
