തനിക്ക് പറ്റുന്ന വേഷമാണെങ്കില്‍ ഞാന്‍ തരും എന്നാണ് ജീത്തു ജോസഫ് സാര്‍ എപ്പോഴും എന്നോടു പറയാറുള്ളതെന്ന് അതിഥി രവി.
അദ്ദേഹം അങ്ങനെ പറയുന്നതില്‍ എനിക്കു സന്തോഷമേ‍യുള്ളൂ. സാറിന്‍റെ ഫാമിലിയുമായിട്ടും വളരെ ക്ലോസാണ്. സാറിനോടും സാറിന്‍റെ ഭാര്യയോടും എനിക്ക് അടുത്ത ബന്ധമാണുള്ളത്.
സാറിന്‍റെ സിനിമയുടെ ഷൂട്ടിംഗ് നടക്കുകയാണെങ്കില്‍ അതു പോയി കാണാനുള്ള ഫ്രീഡം എനിക്കുണ്ട്. അവിടെ പോയിട്ട് ചെറിയ പാസിംഗ് ഷോട്ട് ചെയ്യാന്‍ പറഞ്ഞാല്‍ പോലും ഞാന്‍ ചെയ്യും.
എനിക്ക് അങ്ങനെയൊരു ബന്ധമാണുള്ളത്. ഒരു ഫാമിലി ഫീലാണ് അവിടെ പോയാല്‍ എനിക്കുള്ളത്. അതുകൊണ്ടു തന്നെയാണ് നേര് എന്ന സിനിമയിലും അങ്ങനെ ഒരു കഥാപാത്രത്തെ ചെയ്തത് എന്ന് അതിഥി രവി പറഞ്ഞു.
