ഒരു ചൂലും കൈയിലെടുത്ത് താൻ താമസിക്കുന്ന മുറിയും പരിസരവും വൃത്തിയാക്കുന്ന ഒരു ചിന്പാൻസിയാണ് ഇപ്പോൾ ഇന്‍റർനെറ്റിൽ താരം. ചൈനയിലെ ഷെൻയാങ്ങ് നഗരത്തിലുള്ള ഒരു മൃഗശാലയിൽനിന്നുള്ളതാണ് ഈ ദൃശ്യങ്ങൾ. ദിവസവും മൃഗശാല വൃത്തിയാക്കാൻ എത്തുന്നവരുടെ പ്രവർത്തനങ്ങൾ കണ്ട് അത് അതുപോലെ ഈ പെണ്‍ ചിന്പാൻസി അനുകരിക്കുകയായിരുന്നെന്ന് മൃഗശാല അധികൃതർ പറഞ്ഞു.
തന്‍റെ കൂടിനു ചുറ്റും കിടക്കുന്ന കരിയിലകളും ഭക്ഷണ അവശിഷ്ടങ്ങളുമൊക്കെയാണ് ഈ ചിന്പാൻസി അടിച്ചു വാരി സമീപത്തുവച്ചിരിക്കുന്ന വെയ്സ്റ്റ് ബാസ്കറ്റിൽ ഇടുന്നത്. 18 വയസ് പ്രായമുള്ള ഈ ചിന്പാൻസി അടുത്തകാലത്താണ് ഈ വൃത്തിയാക്കൽ പരിപാടി തുടങ്ങിയത്. നാലു വയസുള്ള ഒരു കുട്ടിയുടെ ഐക്യു ഈ ചിന്പാൻസിക്കുണ്ടെന്നാണ് മൃഗശാല അധികൃതർ പറയുന്നത്.
