കെയ്‌റോ: ആഫ്രിക്ക കപ്പ് ഓഫ് നേഷന്‍സ് ഫുട്‌ബോളില്‍ നൈജീരിയയ്ക്കു മൂന്നാം സ്ഥാനം. മൂന്നാം സ്ഥാനക്കാര്‍ക്കായുള്ള മത്സരത്തില്‍ നൈജീരിയ 1-0ന് ടുണിഷ്യയെ തോല്‍പ്പിച്ചു. മൂന്നാം മിനിറ്റില്‍ ഒഡിയന്‍ ഇഗ്ഹാലോയാണ് ഗോള്‍ നേടിയത്.
ശനിയാഴ്ച രാത്രി 12.30ന് നടക്കുന്ന ഫൈനലില്‍ സെനഗലും അള്‍ജീരിയയും ഏറ്റുമുട്ടും. സെമിയിൽ ടുണീഷ്യയെ 1-0നു കീഴടക്കിയാണ് സെനഗൽ ഫൈനലിൽ ഇടംപിടിച്ചത്. 100-ാം മിനിറ്റിൽ ഡിലൻ ബ്രോണിന്റെ സെൽഫ് ഗോളാണ് ടുണീഷ്യയെ പുറത്താക്കിയത്. നൈജീരിയയെ 2-1നു കീഴടക്കിയാണ് അൾജീരിയ ഫൈനലിൽ പ്രവേശിച്ചത്. അൾജീരിയയുടെ അക്കൗണ്ടിലെ ആദ്യ ഗോളും സെൽഫായിരുന്നു.
