കണ്ണൂർ: റെയിൽവേ സ്റ്റേഷനു സമീപം ഓവുചാലിൽ വീണു കുടുങ്ങിയ പശുക്കളെ അഗ്നിശമനസേനാംഗങ്ങൾ ഏറെ നേരത്തെ ശ്രമഫലമായി രക്ഷപ്പെടുത്തി. കണ്ണൂർ റെയിൽവേ മുത്തപ്പൻ ക്ഷേത്രത്തിനു സമീപത്തെ മൂടാത്ത ഓവുചാലിലായിരുന്നു പശുക്കൾ വീണത്.
തിരിയാൻ പോലും കഴിയാത്ത വിധത്തിലായിരുന്നു പശുക്കൾ. പശുക്കളുടെ കരച്ചിൽ കെട്ടെത്തിയവരാണ് അഗ്നിശമന സേനാംഗങ്ങളെ വിവരം അറിയിച്ചത്. സി. വി വിനോദ് കുമാറിന്‍റെ നേതൃത്വത്തിലെത്തി സൂരജ് മണ്ടേൻ. കെ. ധനേഷ്. ശ്രീകാന്ത് പവിത്രൻ. എം. സുനീഷ്. അരുൺ രാജ് എന്നിവരടങ്ങിയ സേനാംഗങ്ങളാണ് പശുക്കളെ രക്ഷിച്ചത്.
