‘നിങ്ങള്‍ ബിജെപിയാണോ’ എന്ന ചോദ്യത്തിന് കുറിക്കുകൊള്ളുന്ന മറുപടിയുമായി നടി അഹാന കൃഷ്ണ. ‘നിങ്ങള്‍ ബിജെപിയാണോ’ എന്നാണ് അഹാനയുടെ പോസ്റ്റിന് താഴെ എത്തിയ കമന്‍റ്.
എന്നാല്‍ താന്‍ കൂടുതല്‍ മെച്ചപ്പെട്ട മനുഷ്യനാകാനാണ് ശ്രമിക്കുന്നതെന്നായിരുന്നു അഹാനയുടെ മറുപടി.
കമന്‍റ് ചെയ്തയാൾ അത് ഡിലീറ്റ് ചെയ്തെങ്കിലും, അഹാന സ്ക്രീൻഷോട്ട് സഹിതം ഇൻസ്റ്റഗ്രാം സ്റ്റോറിയിൽ പോസ്റ്റ് ചെയ്തു.
‘എന്‍റെ പുതിയ ഇന്‍സ്റ്റഗ്രാം പോസ്റ്റില്‍ ഒരാള്‍ ഈ ചോദ്യം ചോദിച്ചു. ഞാന്‍ മറുപടിയും കൊടുത്തു.
ഇത് ശ്രദ്ധ പിടിച്ച് പറ്റാനുള്ള വിലകുറഞ്ഞ രീതികളാണ്. അതുകൊണ്ടാവും അയാള്‍ കമന്‍റ് ഡിലീറ്റ് ചെയ്യുകയും ചെയ്തു.
എന്തായാലും ഇതേ സംശയമുള്ള എല്ലാവരോടും എനിക്ക് പറയാനുള്ള മറുപടി ഇതാണ്’. സ്ക്രീൻഷോട്ട് പങ്കുവച്ച് അഹാന കുറിച്ചു.
