വിരലിലെണ്ണാവുന്ന ചിത്രങ്ങളിലൂടെ മലയാളികളുടെ മനസ് കീഴടക്കിയ താരമാണ് ഐമ റോസ്മി സെബാസ്റ്റ്യൻ. മലയാള സിനിമയിൽ മാത്രം അഭിനയിക്കുന്ന നടിയുടെ പുത്തൻ ചിത്രങ്ങളാണ് സോഷ്യൽ മീഡിയയിൽ തിളങ്ങി നിൽക്കുന്നത്. ഇപ്പോൾ സിനിമയിൽ സജീവമല്ലെങ്കിലും ഇൻസ്റ്റയിൽ ഏറെ സജീവമാണ് ഐമ.
ടെലിവിഷന്‍ അവതാരികയായാണ് ഐമ റോസ്മി സെബാസ്റ്റ്യന്‍റെ കരിയര്‍ തുടങ്ങുന്നത്. 2016- ല്‍ ദൂരം എന്ന സിനിമയിലൂടെയാണ് ഐമ സിനിമയുടെ ലോകത്തേക്ക് ചുവടുവെയ്ക്കുന്നത്. ഐമ പഠിച്ചതും വളര്‍ന്നതും ദുബൈയിലായിരുന്നു.
ഇപ്പോഴിതാ ഐമ പങ്കുവച്ച ചിത്രങ്ങളാണ് സോഷ്യൽ മീഡിയയിൽ ശ്രദ്ധ നേടുന്നത്. ബ്ലൂവിൽ അതീവ സുന്ദരിയായെത്തി ആരാധകരുടെ സ്നേഹം നേടുകയാണ് ഐമ. അഭിനേത്രി മാത്രമല്ല, നർത്തകി കൂടിയാണ് താരം.
മോലിംഗിലും സജീവമാണ്. മലയാളത്തിലെ ഈ വർഷത്തെ വലിയ ഹിറ്റായ ആർഡിഎക്സാണ് ഐമ ഒടുവിൽ അഭിനയിച്ച സിനിമ.
ചിത്രത്തിൽ സിമി എന്ന കഥാപാത്രത്തെ വളരെ മികച്ച രീതിയിലാണ് താരം അവതരിപ്പിച്ചത്. എംബിഎ ബിരുദം നേടിയിട്ടുള്ള ഐമ ക്ലാസിക്കല്‍ ഡാന്‍സര്‍ കൂടിയാണ്. 1994 ആഗസ്റ്റ് 15 -ന് സെബാസ്റ്റ്യന്‍ തോമസ് പ്രീതി ദമ്പതികളുടെ മകളായി കോട്ടയം ജില്ലയിലാണ് ജനനം.
