ന്യൂഡൽഹി: ഡൽഹിയിൽനിന്നു ലണ്ടനിലേക്കു പുറപ്പെട്ട എയർ ഇന്ത്യ വിമാനത്തിലെ യാത്രക്കാരന് ദേഹാസ്വാസ്ഥ്യമുണ്ടായതിനെത്തുടർന്ന് അടിയന്തര വൈദ്യസഹായത്തിനായി ഡെൻമാർക്ക് തലസ്ഥാന നഗരിയായ കോപ്പൻഹേഗനിലേക്ക് വിമാനം വഴിതിരിച്ചുവിട്ടതായി എയർലൈൻ ഉദ്യോഗസ്ഥർ അറിയിച്ചു.
യാത്രക്കാരനെ കോപ്പൻഹേഗനിലെ ആശുപത്രിയിലെത്തിച്ച് വൈദ്യസഹായം ഉറപ്പാക്കി. പിന്നീട് വിമാനം ലണ്ടനിലേക്കു പുറപ്പെട്ടെന്ന് എയർലൈൻ ഉദ്യോഗസ്ഥർ പറഞ്ഞു.
