തിരുവനന്തപുരം: വഞ്ചിയൂരിൽ മുഖം മറച്ചെത്തിയ സ്ത്രീ മറ്റൊരു സ്ത്രീക്ക് നേരെ വെടി ഉതിർത്തു. സംഭവത്തിൽ വള്ളക്കടവ് സ്വദേശി ഷൈനിക്ക് പരിക്ക്. എയർഗൺ ഉപയോഗിച്ചാണ് വെടി ഉതിർത്തത്.
വഞ്ചിയൂർ പോസ്റ്റ്ഓഫീസിന് മുന്നിലാണ് സംഭവം നടന്നത്. ആമസോണിൽ നിന്നുള്ള കൊറിയർ നൽകാന്നെ പേരിലാണ് മുഖംമൂടി ധരിച്ച് അക്രമി എത്തിയത്. എന്നാൽ പാഴ്സൽ വാങ്ങുന്നതിന് ഷൈനിയുടെ പിതാവ് ഇറങ്ങി വന്നെങ്കിലും അക്രമി കൊടുത്തില്ല.
ബന്ധപ്പെട്ട ആളുതന്നെ വന്നാൽ മാത്രമേ പാഴ്സൽ കൈപ്പറ്റാൻ സാധിക്കു എന്ന് അക്രമി പറഞ്ഞു. അതിൻപ്രകാരം ഷൈനി ഇറങ്ങി വന്നപ്പോൾ കൈയിൽ കരുതിയ ആയുധം ഉപയോഗിച്ച് ആക്രമിക്കുകയായിരുന്നു. പിന്നീട് ഇവര്‍ ഇവിടെ നിന്ന് രക്ഷപ്പെടുകയും ചെയ്തു. വെടിയുതിർത്ത സ്ത്രീയെ തിരിച്ചറിഞ്ഞിട്ടില്ല. സംഭവത്തിൽ പോലീസ് അന്വേഷണം ആരംഭിച്ചു.
