കൊല്ലം: ജെ എൻ യു കാന്പസിൽ എ ബി വി പി – ആർ എസ് എസ് ഗുണ്ടകൾ വിദ്യാർത്ഥികളേയും അധ്യാപകരേയും ക്രൂരമായി മർദ്ദിച്ചതിൽ പ്രതിഷേധിച്ച് എ ഐ എസ് എഫ് -എ ഐ വൈ എഫ് കൊട്ടാരക്കര മണ്ഡലം കമ്മിറ്റിയുടെ നേതൃത്വത്തിൽ കൊട്ടാരക്കര പുലമണിൽ റോഡ് ഉപരോധിച്ചു.സുരേന്ദ്ര ഭവനിൽ നിന്നാരംഭിച്ച പ്രകടനം പുലമണിൽ കെ എസ് ആർ ടി സി ബസ്റ്റാന്റിനു മുന്നിൽ കുത്തിയിരുന്ന പ്രവർത്തകരെ പോലീസ് അറസ്റ്റ് ചെയ്ത് നീക്കി.
ഉപരോധസമരം എ ഐ വൈ എഫ് ജില്ലാ പ്രസിഡന്റ് എസ് വിനോദ് കുമാർ ഉദ്ഘാടനം ചെയ്തു. എ ഐ എസ് എഫ് മണ്ഡലം സെക്രട്ടറി ജോബിൻ ജേക്കബ് അദ്ധ്യക്ഷത വഹിച്ചു. എഐവൈഎഫ് ജില്ലാ എക്സിക്യൂട്ടീവംഗം എം ആർ ശ്രീജിത് ഘോഷ്, മണ്ഡലം പ്രസിഡൻറ് എൻ ആർ ജയചന്ദ്രൻ, എ ഐ എസ് എഫ് സംസ്ഥാന കമ്മിറ്റിയംഗം ഡിഎൽ അനുരാജ് എന്നിവർ പ്രസംഗിച്ചു.
