കൊട്ടാരക്കര: നിന്നെപോലെ നിന്‍റെ അയൽക്കാരനെ സ്നേഹിക്കുവാനും പരസ്പരം കരുതുവാനും പഠിപ്പിച്ച യേശുക്രിസ്തുവിന്‍റെ ജനനം എളിമയുടെ പ്രതീകമാണെന്നും വേദനിക്കുന്നവരുമായുള്ള പങ്കു വയ്ക്കലാണ് യഥാർഥ ക്രിസ്മസെന്നും പി.അയിഷ പോറ്റി എംഎൽഎ പറഞ്ഞു.
വൈഎംസിഎ കേരള റീജിയൻ ദക്ഷിണ മേഖല തലത്തിൽ മാർത്തോമ്മാ ജൂബിലി മന്ദിരത്തിൽ നടത്തിയ ക്രിസ്മസ് ആഘോഷം ഉദ്ഘാടനം ചെയ്ത് പ്രസംഗിക്കുകയായിരുന്നു അവർ.സംസ്ഥാന വൈസ് ചെയർമാൻ എ.കെ.സന്തോഷ് ബേബി അധ്യക്ഷത വഹിച്ചു. ഡോ.ലെബി ഫിലിപ്പ് മാത്യു സന്ദേശം നൽകി.
ദേശീയ നിർവാഹക സമിതി അംഗം കെ.ഒ.രാജുക്കുട്ടി, സബ് റീജിയൻ ചെയർമാൻമാരായ കെ.ബാബുക്കുട്ടി, എം.തോമസ്കുട്ടി, സോണൽ കോഡിനേറ്റർ സി.പി.ശാമുവേൽ, പി.എ.സജിമോൻ, ടി.സി. ബാബുക്കുട്ടി, മാത്യു വർഗീസ്, ജയിംസ് ജോർജ് എന്നിവർ പ്രസംഗിച്ചു.
