പ്രായം 44 കടന്നെന്നു പറഞ്ഞാല്‍ ഒരുപക്ഷേ ആരും വിശ്വസിച്ചേക്കില്ല. ഈ സൗന്ദര്യത്തിനു മുന്നില്‍ പ്രായം പലകുറി തോറ്റിട്ടുണ്ട്. ഇപ്പോള്‍ പുതിയ ചിത്രങ്ങളും സോഷ്യല്‍ മീഡിയയില്‍ വൈറലാകുകയാണ്. ഒരു മാസികയ്ക്കുവേണ്ടി ഐശ്വര്യ റായ് ബച്ചന്റെ പുതിയ ഫോട്ടോഷൂട്ടാണ് സോഷ്യല്‍ ലോകത്ത് വിസ്മയമാകുന്നത്.
പാരിസില്‍ ഷൂട്ട് ചെയ്ത ചിത്രങ്ങള്‍ ഐശ്വര്യറായ് തന്റെ ഇന്‍സ്റ്റഗ്രാമില്‍ പോസ്റ്റ് ചെയ്തു. പിങ്ക് ഗൗണ്‍ അണിഞ്ഞ ഐശ്വര്യയുടെ ചിത്രമാണ് ഏറെ ശ്രദ്ധേയം. ഫന്നെ ഖാന്‍ ആണ് ഐശ്വര്യയുടേതായി ഉടന്‍ പുറത്തിറങ്ങാനിരിക്കുന്ന ചിത്രം. 17 വര്‍ഷങ്ങള്‍ക്കുശേഷം ഐശ്വര്യയും അനില്‍ കപൂറും ഒന്നിക്കുന്നു എന്ന പ്രത്യേകതയും ഈ ചിത്രത്തിനുണ്ട്.
