അമ്പലപ്പുഴ: വള്ളികുന്നം പൊലീസ് സ്റ്റേഷനിലെ വനിത സിപിഒ സൗമ്യ പുഷ്കറിനെ അതിദാരുണമായി കൊലപ്പെടുത്തിയ പ്രതി ആലുവ ട്രാഫിക് സ്റ്റേഷനിലെ സിപിഒ അജാസി (33) ന്‍റെ നില ഗുരുതരാവസ്ഥയിൽ തുടരുന്നതായി ആശുപത്രി വൃത്തങ്ങൾ പറഞ്ഞു.
അമ്പതു ശതമാനം പൊള്ളലേറ്റ അജാസ് ആലപ്പുഴ മെഡിക്കൽ കോളജ് ആശുപത്രിയിലെ തീവ്രപരിചരണ ഐസൊലേഷൻ വാർഡിൽ ചികിത്സയിലാണ്.
അജാസ് ഗുരുതരാവസ്ഥ തരണം ചെയ്തിട്ടില്ലെന്നും സംസാരിക്കാൻ സാധിക്കുന്നില്ലെന്നും ചികിത്സയ്ക്കു നേതൃത്വം നൽകുന്ന സർജറി വിഭാഗം അസോ. പ്രഫസർ ഡോ. അനിൽകുമാർ പറഞ്ഞു. ഇയാളെ സന്ദർശിക്കാൻ രണ്ടു സുഹൃത്തളോട് ഇജാസ് സംസാരിക്കാൻ ശ്രമിച്ചെങ്കിലും സാധിച്ചില്ല.
