കൊച്ചി: പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസില്‍ യുവാവ് അറസ്റ്റിലായി.
വൈറ്റില പൊന്നുരുന്നി കുഞ്ഞന്‍ബാവ റോഡില്‍ മുക്കടതുണ്ടിയില്‍ അജി (23) ആണ് എറണാകുളം സൗത്ത് പോലീസിന്‍റെ പിടിയിലായത്.
നോര്‍ത്ത് റെയില്‍വേ സ്റ്റേഷനു സമീപത്തു നിന്നാണ് സൗത്ത് സിഐ എം.എസ്. ഫൈസലിന്റെ നേതൃത്വത്തിലുള്ള അന്വേഷണസംഘം പ്രതിയെ അറസ്റ്റ് ചെയ്തത്.
കൊച്ചി സിറ്റി പോലീസ് കമ്മീഷണര്‍ സി.എച്ച്. നാഗരാജുവിന്‍റെ നിര്‍ദേശാനുസരണം എറണാകുളം ഡിസിപി വി.യു. കുര്യാക്കോസിന്‍റെ മേല്‍നോട്ടത്തില്‍ മൊബൈല്‍ ഫോണ്‍ നമ്പര്‍ കേന്ദ്രീകരിച്ചു നടത്തിയ അന്വേഷണത്തിലാണ് പ്രതി കുടുങ്ങിയത്.
ഒരു വര്‍ഷം മുമ്പാണ് കേസിനാസ്പദമായ സംഭവം നടന്നത്. എട്ടാം ക്ലാസില്‍ പഠിച്ചിരുന്ന പെണ്‍കുട്ടിയുമായി പരിചയത്തിലായ പ്രതി പ്രണയം നടിച്ച് പീഡിപ്പിക്കുകയായിരുന്നു.
സബ് ഇന്‍സ്പെക്ടര്‍മാരായ ശ്രീകുമാര്‍, അജേഷ്, ഡബ്ല്യുസിപിഒ ജയ എന്നിവരും അന്വേഷണസംഘത്തില്‍ ഉണ്ടായിരുന്നു.
പീഡനം: ബ്യൂട്ടിപാര്‍ലര്‍ ഉടമ അറസ്റ്റില്‍
കൊച്ചി: വിവാഹവാഗ്ദാനം നല്‍കി യുവതിയെ പീഡിപ്പിച്ച കേസില്‍ മലപ്പുറം പെരിന്തല്‍മണ്ണ സ്വദേശിയും കലൂര്‍ ട്രെന്‍ഡ് ബ്യൂട്ടി പാര്‍ലർ ഉടമയുമായ സുഹൈലിനെ (33) അറസ്റ്റ് ചെയ്തു.
കാസര്‍ഗോഡ് സ്വദേശിയായ യുവതിയെ എറണാകുളം ഗേള്‍സ് ഹൈസ്‌കൂളിനു സമീപത്തുള്ള ബ്യൂട്ടിപാര്‍ലറില്‍ പീഡിപ്പിച്ചെന്നാണ് കേസ്.
യുവതിയുടെ പരാതിയില്‍ സെന്‍ട്രല്‍ പോലീസ് ഇന്‍സ്‌പെക്ടര്‍ എസ്. വിജയ്ശങ്കറിന്‍റെ നേതൃത്വത്തിലുള്ള പോലീസ് സംഘമാണ് പ്രതിയെ അറസ്റ്റു ചെയ്തത്. ഇയാളെ കോടതിയില്‍ ഹാജരാക്കി റിമാന്‍ഡ് ചെയ്തു.
