തെന്നിന്ത്യന്‍ സൂപ്പര്‍സ്റ്റാര്‍ അജിത് കുമാറിനെ ആരാധകര്‍ സ്‌നേഹത്തോടെ വിളിക്കുന്നത് ‘തല’ എന്നാണ്. എന്നാല്‍ ആ വിളി ഇനി വേണ്ടെന്നാണ് നടന്‍ ആരാധകരോട് അഭ്യര്‍ഥിച്ചിരിക്കുന്നത്.
നിങ്ങള്‍ക്കെന്നെ അജിത് എന്നോ, അജിത് കുമാര്‍ എന്നോ അതുമല്ലെങ്കില്‍ എ.കെ. എന്നോ വിളിക്കാമെന്നും തല എന്ന വിളി വേണ്ടെന്നുമാണ് നടന്‍ പറഞ്ഞത്.
രജനി തമിഴകത്തിന് സ്റ്റൈല്‍മന്നനും സൂപ്പര്‍ സ്റ്റാറുമാണ് ആണ്. ചിരഞ്ജീവി മെഗാസ്റ്റാര്‍, വിജയ് ഇളയ ദളപതി. നേതാ എന്ന അര്‍ഥത്തില്‍ അജിത്ത് ‘തല’ എന്നാണ് ഇതുവരെ അറിയപ്പെട്ടിരുന്നത്.
2001ല്‍ പുറത്തിറങ്ങിയ ‘ദീന’ എന്ന ചിത്രത്തില്‍ ‘തല ദീനദയാലന്‍’ എന്ന കഥാപാത്രത്തെ അവതരിപ്പിച്ചതു മുതലാണ് തല അജിത്ത് എന്ന് ആരാധകര്‍ വിളിച്ചുതുടങ്ങിയത്.
മറ്റാരെങ്കിലും അജിത്ത് എന്നു മാത്രം സംബോധന ചെയ്താല്‍ അതിനെ തെല്ല് ദേഷ്യത്തോടെയാണ് ആരാധകര്‍ കണ്ടിരുന്നതും. എന്നാല്‍ താരത്തിന്റെ ഈ നിലപാട് ആരാധകരെ ആകെ വിഷമിപ്പിക്കുകയാണ്.
