കോട്ടയം: കേരള കോണ്ഗ്രസ് എം ജോസ്, ജോ സഫ് വിഭാഗങ്ങൾ നേരിട്ട് മത്സരിച്ച അകലക്കുന്നം പഞ്ചായത്ത് പൂവത്തിളപ്പ് വാർഡിലേക്കു നടന്ന ഉപതെരഞ്ഞെടുപ്പിൽ ജോസ് വിഭാഗം സ്ഥാനാർഥി ജോർജ് തോമസ് മൈലാടി വിജയിച്ചു. 63 വോട്ട് ഭൂരിപക്ഷം ലഭിച്ചു.
പ്രചാരണത്തിൽ വിട്ടുനിന്ന കോണ്ഗ്രസ്-ഐ വ്യക്തമായി ഒരാളെയും പിന്തുണച്ചിരുന്നില്ല. ജോസ് വിഭാഗം സ്ഥാനാർഥി ജോർജ് തോമസ് മൈലാടിയ്ക്ക് 320 വോട്ടും ജോസഫ് വിഭാഗം സ്ഥാനാർഥി വിപിൻ തോമസ് ആനിക്കലിനു 257 വോട്ടും ലഭിച്ചു. ഇടതുസ്വതന്ത്രൻ ആന്‍റോച്ചൻ മൂങ്ങാമാക്കലിനു 29 വോട്ടും ബിജെപി സ്ഥാനാർഥി രഞ്ജിത്തിനു 15 വോട്ടും ലഭിച്ചു.
വിജയപുരം പഞ്ചായത്ത് രണ്ടാം വാർഡ് നാൽപാമറ്റത്ത് സിപിമ്മിലെ ഉഷാ സോമൻ വിജയിച്ചു. 57 വോട്ട് ഭൂരിപക്ഷം ലഭിച്ചു. ഉഷാ സോമന് 467 വോട്ടും യുഡിഎഫിലെ ലക്ഷ്മി എ. നായർക്ക് 410 വോട്ടും ബിജെപിയ്ക്ക് 67 വോട്ടും ലഭിച്ചു.
വൈക്കം മുനിസിപ്പാലാറ്റി 21-ാം വാർഡിലേക്കു നടന്ന ഉപതെരഞ്ഞെടുപ്പിൽ ബിജെപി സ്ഥാനാർഥി കെ.ആർ. രാജേഷ് വിജയിച്ചു. 79 വോട്ടുകളുടെ ഭൂരിപക്ഷത്തിലാണു വിജയിച്ചത്.കെ.ആർ. രാജേഷ് 257 വോട്ടും യുഡിഎഫ് സ്ഥാനാർഥി പ്രീതി രാജേഷ് 178 വോട്ടും എൽഡിഎഫ് സ്ഥാനാർഥി ഷാനി സുരേഷ് 170 വോട്ടും നേടി.
