അന്തിക്കാട്: മണലൂർ പാലാഴി സ്വദേശിനിയായ 15 കാരിയുടെ ആത്മഹത്യയുമായി ബന്ധപ്പെട്ട് പാലാഴി സ്വദേശി ചുള്ളിക്കൽ ആകാശി(18) നെ അന്തിക്കാട് പോലീസ് അറസ്റ്റ് ചെയ്തു. ജനുവരി 31നാണ് കേസിന്നാസ്പദമായ സംഭവം.
പോസ്റ്റ്മോർട്ടം റിപ്പോർട്ടിൽ വിദ്യാർഥിനിയായ 15 കാരി ലൈംഗിക ചൂഷണത്തിനിരയായതായി സൂചന ലഭിച്ചതിനെ തുടർന്ന് അന്തിക്കാട് സ്റ്റേഷൻ എസ്എച്ച്ഒ പി.കെ.മനോജ് കുമാർ, എസ്ഐ കെ.ജെ.ജിനേഷ്, എഎസ്ഐ പി.എസ്. സിനി, സിപിഒ കൃഷ്ണകുമാർ എന്നിവർ നടത്തിയ അന്വേഷണത്തിലാണ് ആകാശിനെ വ്യാഴാഴ്ച രാത്രി അറസ്റ്റു ചെയ്തത്. പ്രതിയെ ഇന്ന് കോടതിയിൽ ഹാജരാക്കും.
