പുതുക്കാട് : കണ്ണംപത്തൂരിൽ വീടിന് നേരെ ആക്രമണം. വീടിനു മുന്നിൽ കിടന്നിരുന്ന കാർ തല്ലിത്തകർത്തു. അയ്യഞ്ചിറ ഷാജുവിന്‍റെ കാറിനു നേരെയാണ് ആക്രമണം ഉണ്ടായത്. ഞായറാഴ്ച രാത്രിയിൽ ഓട്ടോറിക്ഷയിൽ എത്തിയ സംഘമാണ് ആക്രമണം നടത്തിയതെന്ന് പറയുന്നു.
ശനിയാഴ്ച രാത്രിയിൽ ഷാജുവിനെ ഒരു സംഘം എത്തി അസഭ്യം പറയുകയും ഭീഷണിപ്പെടുത്തുകയും ചെയ്തിരുന്നു. ഇതിനെതിരെ പുതുക്കാട് പോലീസിൽ പരാതി നൽകിയിരുന്നു. ഇതിലുള്ള വൈരാഗ്യമാണ് ആക്രമണത്തിന് പിന്നിലെന്ന് കരുതുന്നു. പുതുക്കാട് പോലീസ് കേസെടുത്ത് അന്വേഷണം ആരംഭിച്ചു.
