അ​ക്ഷ​യ ന​ഗ​ർ-ബ​സ് സ്റ്റാ​ൻ​ഡ് റോ​ഡ് സ​ഞ്ചാര യോ​ഗ്യ​മാ​ക്ക​ണമെന്ന ആവശ്യവുമായി നാട്ടുകാർ

കൊ​ല്ല​ങ്കോ​ട്: പി.​കെ. ഡി. ​യു.​പി സ്കൂ​ൾ ജം​ഗ്ഷ​ൻ അ​ക്ഷ​യ ന​ഗ​ർ വ​ഴി ബ​സ് സ്റ്റാ​ൻ​ഡി​ൽ റോ​ഡ് പു​ന​ർ​നി​ർ​മ്മി​ച്ച് സ​ഞ്ചാ​ര​യോ​ഗ്യ​മാ​ക്ക​ണ​മെ​ന്ന​താ​ണ് യാ​ത്ര​ക്കാ​രു​ടെ ആ​വ​ശ്യം. ഗ​താ​ഗ​ത​ക്കു​രു​ക്കി​ൽ അ​കപ്പെ​ടു​ന്ന സ​മ​യ​ങ്ങ​ളി​ൽ രോ​ഗി​ക​ളു​മാ​യി വ​രു​ന്ന ആം​ബു​ല​ൻ​സു​കാ​ർ ഉ​ൾ​പ്പെ​ടെ വാ​ഹ​ന​ങ്ങ​ൾ ബ​സ് സ്റ്റാ​ൻ​ഡി​ലേ​ക്കും സാ​മൂ​ഹ്യ ആ​രോ​ഗ്യ കേ​ന്ദ്ര​ത്തി​ലേ​ക്കും എ​ളു​പ്പ​ത്തി​ലെ​ത്താ​ൻ ഈ ​ബൈ​പാ​സ് റോ​ഡ് സൗ​ക​ര്യ​പ്ര​ദ​മാ​ണ്.

റോ​ഡി​ന്‍റെ അ​റ്റ​കു​റ്റ​പ​ണി​ക​ൾ വ​ർ​ഷ​ങ്ങ​ളാ​യും ന​ട​ത്താ​തി​രു​ന്ന​തി​നാ​ൽ ടാ​റും മെ​റ്റ​ലും ഇ​ള​കി വ​ലി​യ ഗ​ർ ത്ത​ങ്ങ​ൾ ഉ​ണ്ടാ​യി​രി​ക്കു​ക​യാ​ണ്. ഇ​തു വ​ഴി കാ​ൽ​ന​ട​യാ​ത്ര പോ​ലും അ​പ​ക​ടാ​വസ്ഥ​യി​ലാ​ണു​ള്ള​ത്. ബ​സ് സ്റ്റാ​ൻ​ഡ് കോ​ന്പൗ​ണ്ടി​ലു​ള്ള ആ​യു​ർ​വേ​ദ ആ​ശു​പ​ത്രിയി​ലേ​ക്ക് കാ​ൽ​ന​ട​യാ​യും ഓ​ട്ടോ​യി​ലും പ്രാ​യാ​ധി​ക്യ​മു​ള്ള​വ​ർ സ​ഞ്ച​രി​ക്കു​ന്ന ബൈ​പാ​സ് റോ​ഡാ​ണി​ത്.

ഇ​രു​ച​ക്ര​വാ​ഹ​ന​ങ്ങ​ൾ ഇ​ട​യ്ക്കി​ടെ ഗ​ർ​ത്ത​ത്തി​ലി​റ​ങ്ങി മ​റി​ഞ്ഞ് യാ​ത്ര​ക്കാ​ർ​ക്ക് പ​രി​ക്കേ​ൽ​ക്കാ​റു​മു​ണ്ട്. പ​യി​ലൂ​ർ, പ​ന​ങ്ങാ​ട്ടി​രി, വ​ട്ടേക്കാ​ട്, കാ​ച്ചാം​കു​റി​ശ്ശി ഭാ​ഗ​ങ്ങ​ളി​ൽ നി​ന്നു​മു​ള്ള വാ​ഹ​ന യാ​ത്രി​ക​ർ​ക്ക് ടൗ​ണി​ലെ​ത്താ​തെ ബ​സ് സ്റ്റാ​ൻ​ഡ് ഉൗ​ട്ട​റ പാ​ത​യി​ലേ​ക്ക് പോ​കാ​ൻ ഏ​റെ സൗ​ക​ര്യ​മു​ള്ള​താ​ണ് അ​ക്ഷ​യ ന​ഗ​ർ​റോ​ഡ.