ഇത്തവണത്തെ പുരസ്കാരം അർഹതപ്പെട്ടത് മമ്മൂക്കയ്ക്ക് ആണെന്ന നല്ല ബോധ്യം എനിക്കുണ്ട്. അതുകൊണ്ടാണ് ഒരു മാധ്യമപ്രവർത്തകന്‍ കഴിഞ്ഞ ദിവസം വിളിച്ചപ്പോള്‍ ഇത്തവണ എനിക്ക് വേണ്ടെന്ന് പറഞ്ഞത്.
എനിക്ക് തന്നാല്‍ ഞാന്‍ വാങ്ങിക്കില്ലായിരുന്നു. തന്നാല്‍ തന്നെ ആ അവാർഡ് ഞാന്‍ മമ്മൂട്ടിക്ക് കൊടുക്കുമെന്നും പറഞ്ഞു. പ്രത്യേകം പരാമർശം എന്ന് പറയുന്നതും വെറുതെയല്ല, എവിടെയോ എന്തൊക്കെയോ ഉണ്ടെന്ന് ആ ജൂറിമാർക്കും തോന്നിയതുകൊണ്ടാണ്.
അപ്പന്‍ എന്ന സിനിമ സംവിധായകൻ മജുവിന്‍റെ മിടുക്കാണ്. എനിക്ക് കിട്ടിയ ഈ ബഹുമതി സമർപ്പിക്കുന്നത് മജുവിനും കൂടെ വർക്ക് ചെയ്തവർക്കുമാണ്.
അവരുടെ മിടുക്കാണ് എന്നെ ഈ പുരസ്കാരത്തിന് അർഹനാക്കിയത്. അവർ ഇല്ലെങ്കില്‍ ഞാനില്ല. അവർക്കെല്ലാവർക്കും വേണ്ടിയാണ് ഞാന്‍ പ്രാർഥിച്ചത്. മജുവും അംഗീകരിക്കപ്പെടണമെന്ന് എനിക്ക് ആഗ്രഹമുണ്ടായിരുന്നു. – അലന്‍സിയർ
