തൃശൂര്‍: തൃശൂര്‍ അതിരൂപതയും തൃശൂര്‍ പൗരാവലിയും സംയുക്തമായി സംഘടിപ്പിക്കുന്ന ബോണ്‍ നത്താലെയുടെ തീം സോംഗും കരോള്‍ ഗാനങ്ങളും അടങ്ങിയ ബോണ്‍ നത്താലെ സംഗീത ആല്‍ബം പുറത്തിറക്കി. ഫാ. സ്റ്റാര്‍സണ്‍ കള്ളിക്കാടന്‍ രചിച്ച വരികള്‍ക്കു പിന്നണി ഗായകന്‍ ഫ്രാങ്കോ സൈമണിന്റെ നേതൃത്വത്തിലുള്ള ഗായകരാണ് ശബ്ദം നല്കിയിരിക്കുന്നത്. 37 കരോള്‍ ഗാനങ്ങളടങ്ങിയ ആല്‍ബത്തിന്റെ പ്രമോ നവമാധ്യമങ്ങളിലൂടെ ഇതിനകം ശ്രദ്ധേയമായിക്കഴിഞ്ഞു.
ആര്‍ച്ച്ബിഷപ് മാര്‍ ആന്‍ഡ്രൂസ് താഴത്ത്, ജില്ലാ കളക്ടര്‍ ഡോ.എ. കൗശിഗനു സിഡി കൈമാറി പ്രകാശനം നടത്തി. വികാരി ജനറാള്‍ മോണ്‍. തോമസ് കാക്കശേരി അധ്യക്ഷനായി. ബോണ്‍ നത്താലെ വര്‍ക്കിംഗ് ചെയര്‍മാന്‍ ഫാ. ലിജോ ചിറ്റിലപ്പിള്ളി, ഫാ. ജോയ്‌സണ്‍ കോരോത്ത്, ജനറല്‍ കണ്‍വീനര്‍ പി.ഐ. ലാസര്‍, എന്‍.പി. ജാക്‌സണ്‍, ജോജു മഞ്ഞില, ജോണ്‍സണ്‍ ജോര്‍ജ്, ഡേവിസ് പുത്തൂര്‍ എന്നിവര്‍ പ്രസംഗിച്ചു. ടോജോ മാത്യു, ലിയോ ലൂവീസ്, ജോര്‍ജ് ചിറമ്മല്‍ എന്നിവര്‍ നേതൃത്വം നല്കി.
