തിരുവനന്തപുരം: ക്രിസ്മസ് ദിനത്തിലും തലേന്നുമായി ബീവറേജസ് കോർപറേഷൻ വഴി വിൽപ്പന നടത്തിയത് 152.06 കോടി രൂപയുടെ മദ്യം. 24ന് 97.42 കോടി രൂപയുടെയും 25ന് 54.64 കോടിരൂപയുടെയും മദ്യം വിറ്റു.
കഴിഞ്ഞ വര്‍ഷം ഇതേ തീയതികളിലായി 122.14 കോടിയുടെ മദ്യമാണ് വിറ്റഴിച്ചത്. 24ന് ഏറ്റവും കൂടുതൽ മദ്യം വിറ്റത് ചാലക്കുടിയിലെ ബീവറേജസ് കോർപറേഷന്‍റെ ഷോപ്പിലാണ്. ഇവിടെ 78 ലക്ഷം രൂപയുടെ വിൽപ്പന നടത്തി.
ചങ്ങനാശേരിയിൽ 66.88 ലക്ഷം രൂപയുടെയും തിരുവനന്തപുരത്തെ പഴയ ഉച്ചക്കടയിൽ 64.15ലക്ഷം രൂപയുടെയും മദ്യ വിൽപ്പന നടത്തി.
ക്രിസ്മസ് ദിനമായ 25നും തലേദിവസമായ 24നുമുള്ള മദ്യവിൽപനയിൽ കഴിഞ്ഞ വര്‍ഷത്തേക്കാള്‍ 24.50 ശതമാനത്തിന്‍റെ (29.92 കോടി) വര്‍ധനവാണ് ഉണ്ടായത്.
