റേ​ഡി​യോ ജോ​ക്കി​യു​ടെ കൊ​ല​പാ​ത​കം: മു​ഖ്യ​പ്ര​തി അ​ലി​ഭാ​യി ക​സ്റ്റ​ഡി​യി​ൽ; പിടികൂടിയത് തിരുവനന്തപുരം വിമാനത്താവളത്തില്‍ നിന്ന്‌

തി​രു​വ​ന​ന്ത​പു​രം: റേ​ഡി​യോ ജോ​ക്കിയെ കൊ​ല്ല​പ്പെ​ട്ടു​ത്തി​യ കേ​സി​ൽ മു​ഖ്യ​പ്ര​തി​യെ​ന്നു സം​ശ​യി​ക്കു​ന്ന അ​ലി​ഭാ​യ് പോ​ലീ​സ് ക​സ്റ്റ​ഡി​യി​ൽ. അ​ലി​ഭാ​യി എ​ന്ന സാ​ലി​ഹ് ബി​ൻ ജ​ലാ​ലി​നെ തി​രു​വ​ന​ന്ത​പു​രം വി​മാ​ന​ത്താ​വ​ള​ത്തി​ൽ​ നി​ന്നു​മാ​ണ് പോ​ലീ​സ് പി​ടി​കൂ​ടി​യ​ത്. ഖ​ത്ത​റി​ൽ നി​ന്നാ​ണ് അ​ലി​ഭാ​യി തി​രു​വ​ന​ന്ത​പു​ര​ത്ത് എ​ത്തി​യ​ത്. കൊ​ല​പാ​ത​ക​ത്തി​നു​ശേ​ഷം കാ​ഠ്മ​ണ്ഡു വ​ഴി ഇ​യാ​ൾ ഖ​ത്ത​റി​ലേ​ക്ക് ക​ട​ക്കു​ക​യാ​യി​രു​ന്നു.

അ​ലി​ഭാ​യി​യു​ടെ വീ​സ റ​ദ്ദാ​ക്കാ​ൻ ഖ​ത്ത​റി​ലെ സ്പോ​ണ്‍​സ​റോ​ട് പോ​ലീ​സ് ആ​വ​ശ്യ​പ്പെ​ട്ടി​രു​ന്നു. ഇ​തേ​തു​ട​ർ​ന്നാ​ണ് ഇ​യാ​ൾ കേ​ര​ള​ത്തി​ൽ തിരിച്ചെ​ത്തി​യ​ത്. കൊ​ല​പാ​ത​ക​വു​മാ​യി ബ​ന്ധ​പ്പെ​ട്ട് മൂ​ന്ന് പേ​രെ നേ​ര​ത്തെ പോ​ലീ​സ് അ​സ്റ്റു ചെ​യ്തി​രു​ന്നു.

ക​ഴി​ഞ്ഞ ചൊ​വ്വാ​ഴ്ച പു​ല​ർ​ച്ചെ ര​ണ്ടോ​ടെ​യാ​ണ് റേ​ഡി​യോ ജോ​ക്കി രാ​ജേ​ഷി​നെ അ​ക്ര​മി സം​ഘം മ​ട​വൂ​ർ ജം​ഗ്ഷ​നു സ​മീ​പ​ത്തെ സ്റ്റുഡിയോയിൽ വച്ച് വെ​ട്ടി​ക്കൊ​ല​പ്പെ​ടു​ത്തി​യ​ത്. രാ​ജേ​ഷി​ന്‍റെ വി​ദേ​ശ​ത്തു​ള്ള വ​നി​താ സു​ഹൃ​ത്തി​ന്‍റെ ഭ​ർ​ത്താ​വാ​ണ് ക്വ​ട്ടേ​ഷ​ൻ സം​ഘ​ത്തെ ഏ​ർ​പ്പാ​ടാ​ക്കി​യ​തി​നു പി​ന്നി​ലെ​ന്നാ​ണ് പോ​ലീ​സി​ന് ല​ഭി​ച്ചി​ട്ടു​ള്ള വി​വ​രം.

കാ​യം​കു​ളം, എ​റ​ണാ​കു​ളം എ​ന്നി​വി​ട​ങ്ങ​ളി​ലു​ള്ള ക്വ​ട്ടേ​ഷ​ൻ സം​ഘ​ങ്ങ​ളാണ് കൊ​ല​പാ​ത​ക​ത്തി​നു പി​ന്നി​ലെ​ന്ന നി​ഗ​മ​ന​വു​മാ​യാ​ണ് പോ​ലീ​സ് അ​ന്വേ​ഷ​ണം പു​രോ​ഗ​മി​ക്കു​ന്ന​ത്. അ​ക്ര​മി സം​ഘം എ​ത്തു​ന്ന സ​മ​യ​ത്ത് രാ​ജേ​ഷ് വി​ദേ​ശ​ത്തു​ള്ള വ​നി​താ സു​ഹൃ​ത്തു​മാ​യി ഫോ​ണി​ൽ സം​സാ​രി​ക്കു​ക​യാ​യി​രു​ന്നു​വെ​ന്ന് പോ​ലീ​സ് ന​ട​ത്തി​യ അ​ന്വേ​ഷ​ണ​ത്തി​ൽ വ്യ​ക്ത​മാ​യി​ട്ടു​ണ്ട്. ഈ യുവതിയിൽ നിന്നും നിർണായക വിവരങ്ങൾ പോലീസ് ലഭിച്ചിട്ടുണ്ട്.