ആ​ശു​പ​ത്രി വാ​ർ​ഡി​ൽനി​ന്ന് മ​രു​ന്ന് മോ​ഷ്‌‌ടി​ച്ച സംഭവം! സുരക്ഷാ ജീവനക്കാരനു സംശയം തോന്നിയില്ലായിരുന്നെങ്കിൽ…

അ​മ്പ​ല​പ്പു​ഴ: ആ​ല​പ്പു​ഴ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലെ 14-ാം ​വാ​ർ​ഡി​ൽനി​ന്ന് മ​രു​ന്ന് മോ​ഷ്ടി​ച്ച​യാ​ൾ പി​ടി​യി​ൽ.

പു​ന്ന​പ്ര തെ​ക്ക് പ​ഞ്ചാ​യ​ത്ത് നാ​ലാം വാ​ർ​ഡി​ൽ അ​റ​വു​കാ​ട് സ​ജി ഭ​വ​നി​ൽ ക​ണ്ണ​ൻ എ​ന്നു വി​ളി​ക്കു​ന്ന അ​ന​ന്ത​കൃ​ഷ്ണ (24)നെ​യാ​ണ് പോ​ലീ​സ് പി​ടി​കൂ​ടി​യ​ത്.

ഇ​ന്ന​ലെ വൈ​കി​ട്ട് ആ​ശു​പ​ത്രി​യി​ലെ​ത്തി​യ യു​വാ​വ് 14-ാം വാ​ർ​ഡി​ൽ പ്ര​വേ​ശിച്ച് ന​ഴ്സു​മാ​രു​ടെ മു​റി​യി​ൽ ക​യ​റി 15 (വേ​ദന ​സം​ഹാ​രി) കു​ത്തി​വ​യ്പ്പി​നു​ള്ള ബോ​ട്ടി​ലു​ക​ൾ മോ​ഷ്ടി​ക്കു​ക​യാ​യി​രു​ന്നു.

ഈ സമയം ന​ഴ്സു​മാ​ർ ആ​രും ന​ഴ്സിം​ഗ് സ്റ്റേ​ഷ​നി​ൽ ഇ​ല്ലാ​യി​രു​ന്നു. അ​വ​ർ വാ​ർ​ഡി​ൽ രോ​ഗി​യു​ടെ സ​മീ​പ​ത്ത് ആ​യി​രു​ന്നു.

പ്ര​തി മ​രു​ന്നു​മാ​യി വാ​ർ​ഡി​നു പു​റ​ത്തേ​ക്കി​റ​ങ്ങി​യ​പ്പോ​ൾ സം​ശ​യം തോ​ന്നി​യ സു​ര​ക്ഷാ ജീ​വ​ന​ക്കാ​ര​ൻ ഇ​യാ​ളെ ത​ട​ഞ്ഞെ​ങ്കി​ലും, സു​ര​ക്ഷാ ജീ​വ​ന​ക്കാ​ര​നെ മ​ർ​ദിച്ച ശേ​ഷം ഇ​യാ​ൾ ഓ​ടി ര​ക്ഷ​പ്പെ​ട്ടു.​

തു​ട​ർ​ന്ന് വി​വ​രം അ​റി​ഞ്ഞെ​ത്തി​യ എ​യ്ഡ് പോ​സ്റ്റ് എ​സ്ഐ മ​ധു​ക്കു​റു​പ്പ്, സിപി​ഒമാ​രാ​യ രാ​ജ് കു​മാ​ർ, ജോ​ബി, സെ​ക്യൂ​രി​റ്റി ഓ​ഫീ​സ​ർ അ​ജി​ത് കു​മാ​ർ എ​ന്നി​വ​ർ ചേ​ർ​ന്ന് ആ​ശു​പ​ത്രി​ക്കു​ള്ളി​ൽ ന​ട​ത്തി​യ തെ​ര​ച്ചി​ലി​ൽ ഒ​രു മ​ണി​ക്കൂ​റി​ന് ശേ​ഷം ഇ​യാ​ളെ പി​ടി​കൂ​ടി.​

അ​മ്പ​ല​പ്പു​ഴ എ​സ്ഐ ടോ​ൾ​സ​ൺ ജോ​സ​ഫ് എ​യ്ഡ് പോ​സ്റ്റി​ലെ​ത്തി പ്ര​തി​യെ അ​മ്പ​ല​പ്പു​ഴ സ്റ്റേ​ഷ​നി​ലേ​ക്ക് കൊ​ണ്ടു പോ​യി.

ക​ഴി​ഞ്ഞ ഒ​രു മാ​സ​ത്തി​ന് മു​ൻ​പും ഇ​തേ വാ​ർ​ഡി​ൽ നി​ന്നും വേ​ദ​ന​സം​ഹാ​രി ഗു​ളി​ക​ക​ൾ മോ​ഷ​ണം പോ​യി​രു​ന്നു.

പു​ന്ന​പ്ര പോ​ലീ​സ് സ്റ്റേ​ഷ​നി​ലും, ആ​ല​പ്പു​ഴ എ​ക്സൈ​സ് റേ​ഞ്ച് ഓ​ഫീസി​ലും പ്ര​തി​ക്കെ​തിരേ നി​ര​വ​ധി ല​ഹ​രി മ​രു​ന്ന് കേ​സ് നി​ല​വി​ലു​ണ്ടെന്ന് പോ​ലീ​സ്‌ പ​റ​ഞ്ഞു.