സോഷ്യൽ മീഡിയയിലൂടെ തന്‍റെ ഗർഭകാല വിശേഷങ്ങൾ അമല പോൾ ആരാധകർക്കായി പങ്കുവയ്ക്കാറുണ്ട്. ഗർഭകാലത്തെ ഓരോ ദിവസവും അമല ആസ്വദിക്കുകയാണ്.
നിറവയറുമായി നൃത്തം ചെയ്യുന്ന വീഡിയോയാണ് ഇപ്പോൾ സോഷ്യൽ മീഡിയയിൽ അമല പോസ്റ്റ് ചെയ്തിരിക്കുന്നത്.
ഒലിവ് ഗ്രീൻ സ്ലീവ്‌ലെസ് സൈഡ് സ്ലിറ്റ് മേറ്റേണിറ്റി ഗൗണിലാണ് അമല നൃത്തം ചെയ്യുന്നത്. ആശ്ചര്യത്തോടെ വയറിൽ നോക്കി താരം നൃത്തം ചെയ്യുന്നത് വീഡിയോയിൽ കാണാം.
ബേബി കം ഡൗൺ , കം ഡൗൺ എന്ന കുറിപ്പോടെയാണ് അമല വീഡിയോ പങ്കുവച്ചിരിക്കുന്നത്. മുമ്പും നിറവയറിൽ നൃത്തം ചെയ്യുന്ന വീഡിയോ താരം പങ്കുവച്ചിട്ടുണ്ട്.
അതേസമയം ഗർഭകാലം ആഘോഷിക്കുന്ന താരത്തിന് സോഷ്യൽ മീഡിയയിലൂടെ ആശംസകളോടൊപ്പം വിമർശനങ്ങളും ലഭിക്കാറുണ്ട്.
