രാത്രിയിൽ കൂട്ടുകാരുമൊത്ത്  കൊ​ടു​രാ​റ്റി​ൽ കുളിക്കാനിറങ്ങിയ യുവാവ് മുങ്ങിമരിച്ചു; സുഹൃത്തുക്കൾ  വീട്ടിൽ നിന്ന് അമലിനെ വിളിച്ചുകൊണ്ടുപോയതിൽ സംശയമുള്ളതായി സമീപവാസികളും നാട്ടുകാരും

മൂ​ലേ​ടം: കൊ​ടു​രാ​റ്റി​ൽ പു​ന്ന​ക്ക​ൽ ക​ട​വി​ൽ കൂ​ട്ടു​കാ​രു​മൊ​ത്തു കു​ളി​ക്കു​ന്ന​തി​നി​ടെ യു​വാ​വ് മു​ങ്ങി മ​രി​ച്ച സം​ഭ​വ​ത്തി​ൽ ഈ​സ്റ്റ് പോ​ലീ​സ് കേ​സെ​ടു​ത്തു. മൂ​ലേ​ടം കു​റു​പ്പും​പ​ടി മ​ണ്ണ​ഞ്ചേ​രി​ൽ ഹ​രി​ദാ​സി​ന്‍റെ മ​ക​ൻ അ​മ​ൽ ദാ​സാ (20)ണു ​മ​രി​ച്ച​ത്. രാ​ത്രി വൈ​കി കൊ​ടൂ​രാ​റ്റി​ൽ ആ​ഴ​മു​ള്ള സ്ഥ​ല​ത്ത് കൂ​ട്ടു​കാ​രു​മൊ​ത്ത് കു​ളി​ക്കാ​നി​റ​ങ്ങി​യ​തി​ൽ ദു​രൂ​ഹ​ത​യു​ള്ള​താ​യി നാ​ട്ടു​കാ​ർ പ​റ​യു​ന്നു.

ഇ​ന്ന​ലെ രാ​ത്രി ഏ​ഴോ​ടെ വീ​ട്ടി​ൽ ഉ​റ​ങ്ങി​ക്കി​ട​ക്കു​ക​യാ​യി​രു​ന്ന അ​മ​ലി​നെ കൂ​ട്ടു​കാ​ർ നി​ർ​ബ​ന്ധി​ച്ച് കൊ​ണ്ടു പോ​കു​ക​യാ​യി​രു​ന്നു​വെ​ന്ന് സ​മീ​പ​വാ​സി​ക​ൾ പ​റ​ഞ്ഞു. ഇ​ന്ന് രാ​വി​ലെ മെ​ഡി​ക്ക​ൽ കോ​ളേ​ജി​നു​സ​മീ​പം കെ​ട്ടി​ടം പ​ണി​ക്കു പോ​കേ​ണ്ട​താ​യി​രു​ന്നു അ​മ​ൽ. അ​മ​ലി​നെ കാ​ണാ​താ​യ​തോ​ടെ കൂ​ട്ടു​കാ​ർ മ​റ്റു​ള്ള​വ​രെ വി​വ​രം അ​റി​യി​ക്കു​ക​യാ​യി​രു​ന്നു.

തു​ട​ർ​ന്ന് സ്ഥ​ല​ത്തെ​ത്തി​യ ഫ​യ​ർ​ഫോ​ഴ്സും പോ​ലീ​സും നാ​ട്ടു​കാ​രും ചേ​ർ​ന്ന് ന​ട​ത്തി​യ തെ​ര​ച്ചി​ലി​ൽ മ​ണി​ക്കൂ​റു​ക​ൾ​ക്ക് ശേ​ഷ​മാ​ണ് മൃ​ത​ദേ​ഹം ചെ​ളി​യി​ൽ താ​ഴ്ന്ന നി​ല​യി​ൽ ക​ണ്ടെ​ത്തി​യ​ത്. മെ​ഡി​ക്ക​ൽ കോ​ളേ​ജ് മോ​ർ​ച്ച​റി​യി​ലേ​ക്ക് മാ​റ്റി​യ മൃ​ത​ദേ​ഹം ഇ​ൻ​ക്വ​സ്റ്റ് ന​ട​ത്തി പോ​സ്റ്റു​മോ​ർ​ട്ട​ത്തി​നാ​യി മാ​റ്റി. മാ​താ​വ്: ബി​ന്ദു. സ​ഹോ​ദ​ര​ങ്ങ​ൾ: അ​ഖി​ൽ​ദാ​സ്, അ​ഞ്ജ​ന ദാ​സ്. സം​സ്കാ​രം ഇ​ന്ന് മൂ​ന്നി​ന് മു​ട്ട​ന്പ​ലം ശ്മ​ശാ​ന​ത്തി​ൽ.