ചണ്ഡിഗഡ്: ശിരോമണി അകാലിദൾ നേതാവും പഞ്ചാബ് മുൻ ഉപ മുഖ്യമന്ത്രിയുമായ സുഖ്ബിർ സിംഗ് ബാദലിന്‍റെ പരാമർശങ്ങൾക്കു ശക്തമായ മറുപടിയുമായി പഞ്ചാബ് മുഖ്യമന്ത്രി അമരീന്ദർ സിംഗ്. ബാദലിനെപ്പോലെ വഞ്ചകനോ നട്ടെല്ലില്ലാത്തവനോ അല്ല താനെന്നാണ് അമരീന്ദറിന്‍റെ മറുപടി.
ബാദലിനെ പോലെ ചതിയനോ നട്ടെല്ലില്ലാത്തവനോ അല്ല താൻ. കർഷകരെ ഒറ്റുകൊടുത്ത ആളാണു ബാദൽ. കർഷകർക്കുനേരെ തങ്ങൾ നടത്തിയ ചതി മറച്ചുവയ്ക്കാനുള്ള പരിഭ്രാന്തിയിലാണു ബാദലെന്നും അമരീന്ദർ സിംഗ് ആരോപിച്ചു.
അമരീന്ദർ സിംഗ് കോമാളിത്തമാണു കാണിച്ചുകൂട്ടുന്നതെന്ന സുഖ്ബിർ സിംഗിന്‍റെ പ്രസ്താവനയാണ് അദ്ദേഹത്തെ പ്രകോപിച്ചത്. അമരീന്ദർ സിംഗ് ബിജെപിക്ക് കീഴടങ്ങിയതായും പരിഭ്രാന്തി മറച്ചുവയ്ക്കാനാണുള്ള കാട്ടിക്കൂട്ടലുകളാണ് അമരീന്ദർ നടത്തുന്നതെന്നും സുഖ്ബീർ പറഞ്ഞു.
