അമ്പലപ്പുഴ ക്ഷേ​ത്ര​ത്തി​ലെ മോ​ഷ​ണം; പ്ര​തി​യെ കു​ടു​ക്കി​യ​ത് പോ​ലീ​സി​ന്‍റെ പ​ഴു​ത​ട​ച്ചു​ള്ള അ​ന്വേ​ഷ​ണം;  യഥാർഥ പ്രതികളെയല്ല പിടികൂടിയതെന്ന് സോഷ്യൽ മീഡിയയും

അ​ന്പ​ല​പ്പു​ഴ: ശ്രീ​കൃ​ഷ്ണ​സ്വാ​മി ക്ഷേ​ത്ര​ത്തി​ലെ പ​ത​ക്കം ന​ഷ്ട​പ്പെ​ട്ട സം​ഭ​വ​ത്തി​ൽ പ്ര​തി​യെ പി​ടി​കൂ​ടാ​നാ​യ​തി​നു പി​ന്നി​ൽ പ​ഴു​ത​ട​ച്ചു​ള്ള അ​ന്വേ​ഷ​ണം. തു​ട​ക്ക​ത്തി​ൽ ലോ​ക്ക​ൽ പോ​ലീ​സും, പി​ന്നീ​ട് അ​ന്പ​ല​പ്പു​ഴ സിഐ​യും അ​ന്വേ​ഷി​ച്ച കേ​സ് തു​ട​ർ​ന്ന് ക്രൈം​ബ്രാ​ഞ്ചി​ന് കൈ​മാ​റു​ക​യാ​യി​രു​ന്നു.

ഇ​തി​നെ തു​ട​ർ​ന്ന് ക്ഷേ​ത്ര​ത്തി​ന്‍റെ മേ​ൽ​ശാ​ന്തി​മാ​ർ, കീ​ഴ്ശാ​ന്തി​മാ​ർ, ക​ഴ​ക​ക്കാ​രു​ൾ​പ്പെടെ​യു​ള്ള ക്ഷേ​ത്രം ജീ​വ​ന​ക്കാ​ർ, ഉ​ദ്യോ​ഗ​സ്ഥ​ർ തു​ട​ങ്ങി 50 ൽ​പ​രം പേ​രെ​യാ​ണ് കേ​സു​മാ​യി ബ​ന്ധ​പ്പെ​ട്ട് ചോ​ദ്യം ചെ​യ്ത​ത്.

ചോ​ദ്യം ചെ​യ്യ​ൽ തു​ട​രു​ന്ന​തി​നി​ടെ ക്ഷേ​ത്രാ​ങ്ക​ണ​ത്തി​ലെ കി​ണ​റു​ക​ളും, കു​ള​ങ്ങ​ളും വ​റ്റി​ച്ച് സം​ഘം പ​രി​ശോ​ധ​ന​യും ന​ട​ത്തി. ഇ​തി​നി​ടെ സം​ഭ​വ​ത്തി​നു പി​ന്നി​ൽ പ്ര​വ​ർ​ത്തി​ച്ച​വ​രെ​ക്കു​റി​ച്ച് സൂ​ച​ന ല​ഭി​ക്കു​മെ​ന്നാ​യ​പ്പോ​ഴാ​ണ് നൂ​റ്റാ​ണ്ടു​ക​ൾ പ​ഴ​ക്ക​മു​ള്ള​തും ന​വ​ര​ത്ന​ങ്ങ​ൾ പ​തി​ച്ച​തു​മാ​യ വി​ല​മ​തി​ക്കാ​നാ​കാ​ത്ത പ​ത​ക്കം ക്ഷേ​ത്രം ശ്രീ​കോ​വി​ലി​നു തെ​ക്കു​ഭാ​ഗ​ത്തെ ഗ​ണ​പ​തി കോ​വി​ലി​ലും, ഗു​രു​വാ​യൂ​ര​പ്പ​ൻ ന​ട​യ്ക്കു മു​ന്നി​ൽ സ്ഥാ​പി​ച്ചി​രു​ന്ന ഭ​ണ്ഡാ​ര​ങ്ങ​ളി​ലും നി​ന്ന് തി​രി​കെ കി​ട്ടി​യ​ത്. ഉ​രു​ക്കാ​ൻ ശ്ര​മി​ച്ച് നാ​ശ​ന​ഷ്ട​ങ്ങ​ൾ വ​രു​ത്തി​യ നി​ല​യി​ൽ ക​ണ്ടെ​ത്തി​യ പ​ത​ക്കം പ​ത്ര​ത്തി​ൽ പൊ​തി​ഞ്ഞ നി​ല​യി​ലാ​ണ് ക​ണ്ടെ​ത്തി​യ​ത്.

മൂ​ന്നു മാ​സ​ത്തി​ലൊ​രി​ക്ക​ൽ പൊ​ട്ടി​ച്ച് തു​ക എ​ണ്ണി​ത്തി​ട്ട​പ്പെ​ടു​ത്തു​ന്ന കാ​ണി​ക്ക​വ​ഞ്ചി​ക​ൾ അ​ന്വേ​ഷ​ണ ഉ​ദ്യോ​ഗ​സ്ഥ​രു​ടെ സാ​ന്നി​ദ്ധ്യ​ത്തി​ൽ പൊ​ട്ടി​ച്ച​പ്പോ​ഴാ​ണ് ഇ​ത് തി​രി​കെ ല​ഭി​ച്ച​ത്. പി​ന്നീ​ട് കോ​ട​തി​ക്കു കൈ​മാ​റി​യ പ​ത​ക്കം അ​വി​ടെ ലോ​ക്ക​റി​ൽ സൂ​ക്ഷി​ച്ചു വ​രു​ക​യാ​യി​രു​ന്നു.

പ​ത​ക്കം കാ​ണാ​താ​യ സം​ഭ​വ​ത്തെ തു​ട​ർ​ന്ന് കൃ​ത്യ​നി​ർ​വ​ഹ​ണ​ത്തി​ൽ വീ​ഴ്ച വ​രു​ത്തി​യെ​ന്നു കാ​ട്ടി മേ​ൽ​ശാ​ന്തി​മാ​രി​ൽ ഒ​രാ​ളെ പൂ​ജാ​ദി​ക​ർ​മ​ങ്ങ​ളി​ൽ നി​ന്നും മാ​റ്റി നി​ർ​ത്തി​യ ദേ​വ​സ്വം ബോ​ർ​ഡ് കീ​ഴ്ശാ​ന്തി​ക്കാ​രി​ൽ ഒ​രാ​ളെ സ​ർ​വീ​സി​ൽ നി​ന്നും മാ​റ്റി നി​ർ​ത്തു​ക​യും ചെ​യ്തു.

അ​ന്വേ​ഷ​ണം ന​ട​ക്കു​ന്ന​തി​നി​ടെ ക്ഷേ​ത്രം ക​ഴ​കം ജീ​വ​ന​ക്കാ​രി​ൽ ഒ​രാ​ൾ എ​റ​ണാ​കു​ള​ത്തെ സ്വ​കാ​ര്യ ആ​ശു​പ​ത്രി​യി​ൽ മ​രി​ക്കു​ക​യും ഉ​ണ്ടാ​യി. എ​ന്നാ​ൽ ക്ഷേ​ത്രം അ​ഡ്മി​സ്ട്രേ​റ്റീ​വ് ഓ​ഫീ​സ​ർ ആ​യി​രു​ന്ന ഹ​രി​പ്പാ​ട് സ്വ​ദേ​ശി​യെ ദേ​വ​സ്വം അ​സി.​ക​മ്മീ​ഷ​ണ​റാ​യി സ്ഥാ​ന​ക്ക​യ​റ്റം ന​ൽ​കി സ്ഥ​ലം മാ​റ്റു​ക​യാ​ണ് ദേ​വ​സ്വം ബോ​ർ​ഡ് ചെ​യ്ത​ത്. അ​ന്വേ​ഷ​ണം പു​രോ​ഗ​മി​ക്കു​ന്ന ഘ​ട്ട​ത്തി​ൽ പ​ത​ക്ക​വും, വി​ഗ്ര​ഹ​ത്തി​ൽ ചാ​ർ​ത്തു​ന്ന മ​റ്റ് ആ​ട​യാ​ഭ​ര​ണ​ങ്ങ​ളും സൂ​ക്ഷി​ക്കു​ന്ന സ്ട്രോ​ങ് റൂ​മു​ക​ൾ വി​ജി​ല​ൻ​സ് സം​ഘ​ങ്ങ​ൾ തു​ട​ർ​ന്ന് പ​രി​ശോ​ധി​ച്ചി​രു​ന്നു.

ന​ഷ്ട​പ്പെ​ട്ട പ​ത​ക്ക​ത്തി​നു പു​റ​മെ മ​റ്റ് മൂ​ന്നു​പ​ത​ക്ക​ങ്ങ​ളും കൂ​ടി കാ​ണാ​നി​ല്ലെ​ന്ന നി​ർ​ണാ​യ​ക വി​വ​ര​മാ​ണ് സം​ഘ​ത്തി​ന് ല​ഭി​ച്ച​ത്. ഇ​തു​മാ​യി ബ​ന്ധ​പ്പെ​ട്ട് പ്ര​ത്യേ​ക അ​ന്വേ​ഷ​ണ സം​ഘ​ത്തെ നി​യോ​ഗി​ക്ക​ണ​മെ​ന്നും പ്ര​യാ​ർ ഗോ​പാ​ല​കൃ​ഷ്ണ​ന്‍റെ നേ​തൃ​ത്വ​ത്തി​ലു​ള്ള അ​ന്ന​ത്തെ ദേ​വ​സ്വം ബോ​ർ​ഡി​ന് നി​ർ​ദ്ദേ​ശം ന​ൽ​കി​യി​രു​ന്നു. എ​ന്നാ​ൽ ഇ​തു​മാ​യി ബ​ന്ധ​പ്പെ​ട്ട് യാ​തൊ​രു വി​ധ അ​ന്വേ​ഷ​ണ​വും പി​ന്നീ​ട് ഉ​ണ്ടാ​യി​ല്ല.

ആ​ദ്യ പ​ത​ക്കം കാ​ണാ​താ​യ സം​ഭ​വ​ത്തി​ൽ കോ​ട​തി ഇ​ട​പെ​ട​ലി​നെ തു​ട​ർ​ന്നാ​ണ് സ്പെ​ഷൽ ടെ​ന്പി​ൾ ആ​ന്‍റി തെ​ഫ്റ്റ് സ്ക്വാ​ഡ് 2017 ന​വ​ംബ​ർ 20 ന് ​അ​ന്വേ​ഷ​ണം ഏ​റ്റെ​ടു​ത്ത​ത്. പ​ഴു​ത​ട​ച്ചു​ള്ള അ​ന്വേ​ഷ​ണ​ത്തെ തു​ട​ർ​ന്ന് ഇ​ടു​ക്കി പീ​രു​മേ​ട് ഉ​പ്പു​ത​റ ചേ​ല​ക്കാ​ട്ട് വീ​ട്ടി​ൽ കാ​ളി​യ​പ്പ​ൻ എ​ന്നു വി​ളി​ക്കു​ന്ന വി​ശ്വ​നാ​ഥ​നി​ലേ​ക്ക് അ​ന്വേ​ഷ​ണം എ​ത്തി​ച്ചേ​രു​ക​യാ​യി​രു​ന്നു. ര​ണ്ടാ​ഴ്ച മു​ൻ​പ് പ്ര​തി​യെ​ക്കു​റി​ച്ച് സൂ​ച​ന ല​ഭി​ച്ചെ​ങ്കി​ലും ഈ ​വി​വ​രം സം​ഘം പു​റ​ത്തു​വി​ട്ടി​ല്ല.

സം​ഭ​വവു​മാ​യി ബ​ന്ധ​പ്പെ​ട്ട് വി​ശ്വ​നാ​ഥ​ന്‍റെ നീ​ക്ക​ങ്ങ​ൾ നി​രീ​ക്ഷി​ക്കു​ക​യാ​യി​രു​ന്നു സം​ഘം. പ​ത​ക്കം ന​ഷ്ട​പ്പെ​ട്ട സം​ഭ​വ​ത്തി​നു പി​ന്നി​ൽ കൂ​ടു​ത​ൽ പേ​ർ ഉ​ൾ​പ്പെ​ട്ടി​ട്ടു​ണ്ടോ എ​ന്ന​തി​നെ​ക്കു​റി​ച്ച് അ​ന്വേ​ഷ​ണം പു​രോ​ഗ​മി​ക്കു​ക​യാ​ണെ​ന്നും, ക്ഷേ​ത്ര​ത്തി​ൽ നി​ന്നും കാ​ണാ​താ​യ മ​റ്റു പ​ത​ക്ക​ങ്ങ​ളെ​ക്കു​റി​ച്ചു​ള്ള അ​ന്വേ​ഷ​ണം ത​ന്‍റെ പ​രി​ധി​യി​ലി​ല്ലെ​ന്നും സം​ഘം ത​ല​വ​ൻ രാ​ജേ​ഷ് പ​റ​ഞ്ഞു. അ​തേ​സ​മ​യം കേ​സി​ലെ യ​ഥാ​ർ​ഥ പ്ര​തി​ക​ളെ ഇ​നി​യും പി​ടി​കൂ​ടാ​നാ​യി​ല്ലെ​ന്ന ത​ര​ത്തി​ൽ സോ​ഷ്യ​ൽ മീ​ഡി​യ​യി​ൽ വ്യാ​പ​ക പ്ര​ച​ാര​ണം ന​ട​ക്കു​ന്നു​ണ്ട്.