ചവറ : ചലച്ചിത്ര സീരിയല്‍ താരങ്ങളായ അമ്പിളി ദേവിയും ജയന് ആദിത്യയും വിവാഹിതരായി. വെളളിയാഴ്ച ചവറ കൊറ്റന്‍കുളങ്ങര ദേവീ ക്ഷേത്രത്തില്‍ അന്തരിച്ച നടൻ ജയന്‍റെ സഹോദരന്‍റെ മകനും ചലച്ചിത്ര താരവുമായ ജയന് ആദിത്യ അമ്പിളിയുടെ കഴുത്തില്‍ മിന്ന് ചാര്‍ത്തുകയായിരുന്നു.ക്ഷേത്രത്തില്‍ മറ്റൊരു വിവാഹം നടന്ന് കഴിഞ്ഞതിന് ശേഷമാണ് ചലച്ചിത്ര താരങ്ങള്‍ കതിര്‍മണ്ഡപത്തിലേക്ക് കയറിയത്.
ദീര്‍ഘകാലമായി ഇവര്‍ ഒരു ചാനലില്‍ സീരിയലില്‍ ഒരുമിച്ച് അഭിനയിച്ച് വരുകയായിരുന്നു. നേരത്തെ വിവാഹതിയായ അമ്പിളി വിവാഹ ബന്ധം വേര്‍പെടുത്തിയതിന് ശേഷമാണ് ജയന് ആദിത്യയെ വിവാഹം കഴിച്ചത്. വീട്ടുകാരും അടുത്ത ബന്ധുക്കളും ഇരുവരേയും അനുഗ്രഹിക്കാൻ എത്തിയിരുന്നു. ക്ഷേത്ര ശ്രീകോവിലില്‍ നിന്നും പൂജിച്ച താലിയും മാലയും ചാര്‍ത്തി അമ്പിളി ജയന് സ്വന്തമാക്കി.
