കൊല്ലം: മദ്യലഹരിയിലായിരുന്നയാൾ ഓടിച്ച ആംബുലൻസിടിച്ച് എസ്ഐ ഉൾപ്പെടെ രണ്ടു പേർക്ക് പരിക്ക്. ശനിയാഴ്ച വൈകുന്നേരം പുനലൂരായിരുന്നു സംഭവം. കിളിമാനനൂർ എസ്ഐ ബൈജുവിനാണ് പരിക്കേറ്റത്.ആംബുലൻസ് മറ്റുവാഹനങ്ങളെ ഇടിച്ചതറിഞ്ഞ് ഓടിയെത്തി തടഞ്ഞപ്പോഴാണ് എസ്ഐയെ ഇടിച്ചത്. സംഭവുമായി ബന്ധപ്പെട്ട് പുനലൂർ താലൂക്ക് ആശുപത്രിയിലെ ഡ്രൈവർ ഗോപകുമാറിനെ പോലീസ് കസ്റ്റഡിയിലെടുത്തു.
