ബിഗ് സ്ക്രീനിലും നിരവധി വേദികളിലും ചിരിയുടെ മാലപ്പടക്കം പൊട്ടിച്ച കൂട്ടുകെട്ടാണ് ധർമജൻ ബോൾഗാട്ടിയും രമേഷ് പിഷാരടിയും.
ഇപ്പോഴിതാ അമേരിക്കയിൽ ഭിക്ഷയെടുക്കുന്ന ഇരുവരുടെയും വീഡിയോ ദൃശ്യങ്ങളാണ് സോഷ്യൽമീഡിയായിൽ ചിരിപൂരമൊരുക്കുന്നത്. പിച്ചവെച്ച നാൾ മുതൽക്കെ നീ എന്ന പാട്ടിന്‍റെ പശ്ചാത്തലത്തിൽ ഇരുവരും പിച്ചയെടുക്കുന്നതിന്‍റെ ദൃശ്യങ്ങൾ രമേഷ് പിഷാരടി ഇൻസ്റ്റഗ്രാമിലാണ് പങ്കുവെച്ചത്.
ജയറാം, കുഞ്ചാക്കോ ബോബൻ എന്നിവർ കേന്ദ്രകഥാപാത്രങ്ങളായി എത്തിയ പഞ്ചവർണതത്തയ്ക്കു ശേഷം താൻ സംവിധാനം ചെയ്യുന്ന അടുത്ത ചിത്രത്തെ കുറിച്ച് രമേഷ് പിഷാരടി അറിയിച്ചിരുന്നു. ഇതെകുറിച്ച് അദ്ദേഹം ഫേസ്ബുക്കിൽ കുറിച്ചിരുന്നുവെങ്കിലും മറ്റ് വിവരങ്ങളൊന്നും അറിവായിട്ടില്ല.
