അങ്കമാലി: താരസംഘടനയായ അമ്മയുമായി ബന്ധപ്പെട്ടു നികുതി വെട്ടിപ്പ് നടന്നിട്ടുണ്ടെങ്കിൽ പിഴ അടയ്ക്കുമെന്ന് അമ്മ പ്രസിഡന്‍റ് ഇന്നസെന്‍റ് എംപി. അങ്കമാലിയിൽ മാധ്യമപ്രവർത്തകരുമായി സംസാരിക്കുകയായിരുന്നു അദ്ദേഹം. കോടതിയിൽ ഇതുസംബന്ധിച്ച് കേസ് നടക്കുകയാണ്. നികുതി വെട്ടിപ്പ് ആരോപണത്തെ നിയമപരമായി തന്നെ നേരിടുമെന്നും അദ്ദേഹം പറഞ്ഞു.
ഇത് ഇന്നു നടന്ന സംഭവമല്ല. ഒരു സംഭവം കിട്ടിയപ്പോൾ അമ്മയെ ക്രൂശിക്കുകയാണ്. എല്ലാവരും ഇല്ല, ഒന്നുരണ്ടുപേർ മാത്രമാണ് ക്രൂശിക്കുന്നതെന്നും അത് ആരൊക്കെയാണെന്നു നിങ്ങൾക്ക് അറിയാമെന്നും മാധ്യമപ്രവർത്തകരുടെ ചോദ്യത്തിനു മറുപടിയായി ഇന്നസെന്‍റ് പറഞ്ഞു.
