അ​മ്മി​ണി​ക്കു​ട്ടി ഇ​നി രവീഷിന്‍റെ പെണ്ണ്..! അ​മ്മി​ണി​ക്കു​ട്ടി ഇ​നി അ​നാ​ഥ​യ​ല്ല;കോ​ഴി​ക്കോട്ടുകാരൻ ന​ടു​വി​ല്ല​ത്ത് ര​വീ​ഷ് നമ്പൂതിരി അമ്മിണിക്കുട്ടിക്ക് താലിചാർത്തി

കെ.​കെ. അ​ർ​ജു​ന​ൻ

രാ​മ​വ​ർ​മ​പു​രം (തൃ​ശൂ​ർ): അ​മ്മി​ണി​ക്കു​ട്ടി ഇ​നി അ​നാ​ഥ​യ​ല്ല, ഏ​കാ​ന്ത​ത ചു​മ​ർ തീ​ർ​ത്തി​രു​ന്ന ഇ​രു​ട്ട​റ​യ​ല്ല ഇ​നി അ​മ്മി​ണി​ക്കു​ട്ടി​യു​ടെ വീ​ട്. ഇ​നി​യു​ള്ള നാ​ളു​ക​ൾ സ​നാ​ഥ​ത്വ​ത്തി​ന്‍റേ​ത്. ആ​ളും ആ​ര​വ​ങ്ങ​ളും പ​ന്ത​ൽ തീ​ർ​ത്ത് അ​നു​ഗ്ര​ഹം ചൊ​രി​ഞ്ഞ ഇ​ന്ന​ലെ​യാ​ണ് ഗ​വ. അ​ഗ​തി​മ​ന്ദി​ര​ത്തി​ലെ അ​ന്തേ​വാ​സി​യാ​യി​രു​ന്ന അ​മ്മി​ണി​ക്കു​ട്ടി വി​വാ​ഹി​ത​യാ​യ​ത്. വ​ര​ൻ കോ​ഴി​ക്കോ​ട് മു​ക്കം പ​ന്നി​ക്കോ​ട് ന​ടു​വി​ല്ല​ത്ത് വി​ഷ്ണു നമ്പൂതി​രി​യു​ടെ മ​ക​ൻ ര​വീ​ഷ് നമ്പൂതിരി. ചെ​റു​പ്രാ​യ​ത്തി​ൽ അ​നാ​ഥ​ത്വം പേ​റി വി​വി​ധ​യി​ട​ങ്ങ​ളി​ൽ താ​മ​സി​ക്കേ​ണ്ടി​വ​ന്ന അ​മ്മി​ണി​ക്കു​ട്ടി 22-ാം വ​യ​സി​ലാ​ണി​പ്പോ​ൾ സു​മം​ഗ​ലി​യാ​യ​ത്.

കു​മാ​ര​നെ​ല്ലൂ​ർ സു​ബ്ര​ഹ്മ​ണ്യ​ക്ഷേ​ത്ര​ത്തി​ലെ പൂ​ജാ​രി​യാ​ണ് 29 കാ​ര​നാ​യ ര​വീ​ഷ്നമ്പൂതിരി . ഇ​രു​വ​രു​ടേ​യും സൗ​ഹൃ​ദം ഉ​ട​ലെ​ടു​ത്ത​താ​വ​ട്ടെ ഇ​ന്‍റ​ർ​നെ​റ്റ് മു​ഖേ​ന​യും. നീ​ണ്ട എ​ട്ടു​മാ​സ​ത്തെ സൗ​ഹൃ​ദ​ത്തി​നൊ​ടു​വി​ലാ​ണി​പ്പോ​ൾ ര​വീ​ഷി​ന്‍റെ വീ​ട്ടു​കാ​രു​ടെ​യും നാ​ട്ടു​കാ​രു​ടെ​യും അ​നാ​ഥാ​ല​യം അ​ധി​കൃ​ത​രു​ടെ​യും സ​മ്മ​ത​ത്തോ​ടെ ഇ​രു​വ​രും വി​വാ​ഹി​ത​രാ​യ​ത്. വി​വാ​ഹ​ച​ട​ങ്ങി​ൽ കോ​ർ​പ​റേ​ഷ​ൻ മേ​യ​ർ അ​ട​ക്ക​മു​ള്ള പ്ര​മു​ഖ​ർ പ​ങ്കെ​ടു​ത്തു.

ഒ​ന്ന​ര​വ​ർ​ഷം മു​ന്പാ​ണ് അ​മ്മി​ണി​ക്കു​ട്ടി രാ​മ​വ​ർ​മ​പു​ര​ത്തെ സാ​മൂ​ഹ്യ നീ​തി വ​കു​പ്പി​ന്‍റെ അ​ഗ​തി​മ​ന്ദി​ര​ത്തി​ലെ​ത്തി​യ​ത്. അ​ഞ്ചു​വ​യ​സു മു​ത​ൽ കോ​ഴി​ക്കോ​ട് ചി​ൽ​ഡ്ര​ൻ​സ് ഹോ​മി​ലും പി​ന്നീ​ട് മു​തി​ർ​ന്ന​വ​ർ​ക്കു​ള്ള മ​റ്റൊ​രു സ്ഥാ​പ​ന​ത്തി​ലു​മാ​യി​രു​ന്നു അ​തു​വ​രെ. വി​വാ​ഹ ച​ട​ങ്ങു​ക​ളു​ടെ ഭാ​ഗ​മാ​യു​ള്ള ആ​ചാ​ര​ക്രി​യ​ക​ൾ തൃ​ശൂ​ർ തെ​ക്കേ​മ​ഠ​ത്തി​ലാ​ണു ന​ട​ന്ന​ത്. മാ​ല​യി​ട​ൽ പാ​ടൂ​ക്കാ​ട് ന​ന​ദു​ർ​ഗ ക്ഷേ​ത്ര​ത്തി​ലും.

വി​വാ​ഹാ​വ​ശ്യ​ങ്ങ​ൾ​ക്കു സാ​മൂ​ഹ്യ​നീ​തി വ​കു​പ്പ് ഒ​രു ല​ക്ഷം രൂ​പ ന​ല്കി​യി​രു​ന്നു. ഇ​തു​കൂ​ടാ​തെ ചാ​ല​ക്കു​ടി ഡി​വൈ​എ​സ്പി ഷാ​ഹു​ൽ ഹ​മീ​ദി​ന്‍റെ നേ​തൃ​ത്വ​ത്തി​ൽ പോ​ലീ​സു​കാ​ർ സ്വ​രൂ​പി​ച്ച തു​ക​യും അ​ഞ്ചേ​രി​യി​ലെ നാ​ട്ടു​കാ​ർ ചേ​ർ​ന്നു സ​മാ​ഹ​രി​ച്ച തു​ക​യു​മു​ൾ​പ്പെ​ടെ ഏ​ഴ​ര പ​വ​ൻ സ്വ​ർ​ണ​വും പാ​ത്ര​ങ്ങ​ളും വി​വാ​ഹ​വേ​ള​യി​ൽ അ​മ്മി​ണി​ക്കു​ട്ടി​ക്കു സ​മ്മാ​ന​മാ​യി ന​ൽ​കി. സ്വ​കാ​ര്യ സ്ഥാ​പ​ന​ത്തി​ൽ സാ​രി ഡി​സൈ​ന​റാ​യി ജോ​ലി ചെ​യ്യു​ന്ന അ​മ്മി​ണി​ക്കു​ട്ടി​യു​ടെ ജീ​വി​ത​ത്തി​നും അ​തേ വ​ർ​ണ​പ്പൊ​ലി​മ കൈ​വ​രാ​ൻ അ​നു​ഗ്ര​ഹി​ച്ചാ​ണ് ഏ​വ​രും ച​ട​ങ്ങി​ലെ​ത്തി മ​ട​ങ്ങി​യ​ത്.

തൃ​ശൂ​ർ വ​ട​ക്കു​ന്നാ​ഥ​ൻ ഭ​ജ​ന​സം​ഘ​ത്തി​ന്‍റെ വ​ക വി​വാ​ഹ സ​ദ്യ​യും ഒ​രു​ക്കി​യി​രു​ന്നു. കൗ​ണ്‍​സി​ല​ർ​മാ​രാ​യ റോ​സി, വി.​കെ. സു​രേ​ഷ്കു​മാ​ർ, ജേ​ക്ക​ബ് പു​ലി​ക്കോ​ട്ടി​ൽ, സാ​മൂ​ഹ്യ ക്ഷേ​മ നീ​തി​വ​കു​പ്പ് ജി​ല്ലാ ഓ​ഫി​സ​ർ സു​ല​ക്ഷ​ണ, ഹോം ​സൂ​പ്ര​ണ്ട് പി.​എ​സ്. ഉ​ഷ തു​ട​ങ്ങി നി​ര​വ​ധി പേ​ർ വി​വാ​ഹ ച​ട​ങ്ങി​ൽ പ​ങ്കെ​ടു​ക്കാ​ൻ എ​ത്തി​യി​രു​ന്നു.