നടി എമി ജാക്സണും സംഗീതജ്ഞനുമായ എഡ് വെസ്റ്റ്‌വിക്കും വിവാഹിതരാകുന്നു എന്ന് കഴിഞ്ഞ ജനുവരിയാലാണ് വ്യക്തമാക്കിയത്. ഇപ്പോൾ സോഷ്യൽ മീഡിയയിൽ സുഹൃത്തുക്കൾക്കും കുടുംബാംഗങ്ങൾക്കും വേണ്ടി ഇരുവരും സംഘടിപ്പിച്ച എൻഗേജ്മെന്‍റ് ഡിന്നർ പാർട്ടിയുടെ ചിത്രങ്ങളാണ് വൈറലാകുന്നത്.
വെള്ള നിറത്തിലുള്ള ഗൗണിൽ അതീവ സുന്ദരിയായാണ് എമി പാർട്ടിക്കെത്തിയത്. സിംപിൾ ആക്സസറീസാണ് താരം ധരിച്ചിരുന്നത്. വെസ്റ്റ്‌വിക്ക് വെള്ള നിറത്തിലുള്ള ഷർട്ടും കോട്ടം പാന്‍റുമാണ് ധരിച്ചിരുന്നത്. എമി മകനൊപ്പമാണ് പാർട്ടിയിൽ പങ്കെടുത്തത്.
സോഷ്യൽ മീഡിയയിൽ എമി തന്നെയാണ് എൻഗേജ്മെന്‍റ് ഡിന്നർ പാർട്ടിയിൽ നിന്നുള്ള ചിത്രങ്ങൾ പങ്കുവച്ചത്. എമി ജാക്സണും എഡ് വെസ്റ്റ്‌വിക്കും തമ്മിൽ പ്രണയത്തിലാണെന്ന വാർത്തകൾ നേരത്തേ പ്രചരിച്ചിരുന്നു. ഇരുവരും 2023 ൽ പ്രണയം തുറന്ന് പറഞ്ഞ് രംഗത്തെത്തിയിരുന്നു. എമി ജാക്സന്‍റെ രണ്ടാം വിവാഹമാണിത്.
ഹോട്ടൽ വ്യവസായി ജോർജ് പനയോറ്റൂ ആയിരുന്നു നടിയുടെ ആദ്യ ഭർത്താവ്. 2015 ൽ ആയിരുന്നു ഇവരുടെ വിവാഹം. ഈ ബന്ധത്തിൽ ഒരു കുട്ടിയുണ്ട്. 2019 ൽ ആണ് ഇരുവരും വേർപിരിഞ്ഞത്.
