തിരുവനന്തപുരം: വർക്കല പാളയംകുന്ന് ശ്രീ ധർമശാസ്താ ക്ഷേത്ര ഉത്സവത്തിനിടെ ആന ഇടഞ്ഞു. പൂജാരിക്കും സഹായിക്കും പരിക്കേറ്റു. ഇവരെ ആശുപത്രിയിൽ പ്രവേശിപ്പി ച്ചു.
ബുധനാഴ്ച രാത്രി പതിനൊന്നരയോടെയായിരുന്നു സംഭവം. ആനയുടെ ശരീരത്തിൽ ഏതോ വസ്തു തട്ടിയതാണ് ഇടയാൻ കാരണമെന്നു നാട്ടുകാർ പറയുന്നു.
ആനപ്പുറത്തിരുന്ന പൂജാരിയും സഹായിയും നിലത്തു വീഴുകയായിരുന്നു.ഒരു മണിക്കൂറിലേറെ നേരം പരിഭ്രാന്തി പരത്തിയ ആന നിരവധി വാഹനങ്ങൾ തകർത്തു.
ക്ഷേത്രപ്പറന്പിൽ ഏറെ നേരം ഓടിനടന്നു പരിഭ്രാന്തി പരത്തിയ ആനയെ പാപ്പാൻമാർ ഏറെ നേരത്തെ പരിശ്രമത്തിനു ശേഷമാണു തളച്ചത്.
ആനയിടഞ്ഞതിനെത്തുടർന്ന് ക്ഷേത്രപ്പറന്പിൽ തടിച്ചുകൂടിയിരുന്ന ഭക്തജനങ്ങൾ നാലുപാടും ചിതറിയോടി.പാളയംകുന്ന് ഹൈസ്കൂളിനു സമീപത്തേക്കു പോയ ആനയെ പാപ്പാൻമാർ ഏറെ പണിപ്പെട്ടു തളയ്ക്കുകയായിരുന്നു.
