യൂട്യൂബില്‍ പ്രേക്ഷകരുടെ ഹരമായി മാറിയ ‘അനാമിക’ എന്ന ഹിറ്റ് ആല്‍ബത്തിലൂടെ ഒരു സംഗീത ജോഡി ശ്രദ്ധേയരാകുന്നു. സംഗീത സംവിധായകന്‍ അരുണ്‍ വെണ്‍പാല, ഗാനരചയിതാവ് രഞ്ജു എന്നീ സംഗീത ജോഡികളാണ്, സൂരജ് സുകുമാരന്‍ നായര്‍ സംവിധാനം ചെയ്ത അനാമികയിലൂടെ ശ്രദ്ധേയരായത്.അഞ്ച് വ്യത്യസ്ത ഗാനങ്ങളാണ് ‘അനാമിക’യ്ക്കു വേണ്ടി അരുണ്‍-രഞ്ജു ടീം തയാറാക്കിയത്.
എല്ലാ പ്രേക്ഷകരെയും ഹരം കൊള്ളിക്കുന്ന പ്രണയ ഗാനങ്ങള്‍. വ്യത്യസ്ത മായ സംഗീതവും, വേറിട്ട ആലാപനശൈലി കൊണ്ടും ശ്രദ്ധേയമായ ഈ ഗാനങ്ങള്‍ സൂരജ് സുകുമാരന്‍ നായരുടെ ചിത്രീകരണംകൊണ്ടും ശ്രദ്ധേയമായി.2012 മുതല്‍ സംഗീത ലോകത്ത് സജീവമായി പ്രവര്‍ത്തിക്കുന്ന ഈ സംഗീത ജോഡികള്‍ ‘അനാമിക’യ്ക്ക് മുമ്പ് തയ്യാറാക്കിയ, ‘സ്വര്‍ഗാധിപന്‍’, ‘മൈ ലോര്‍ഡ്’, ‘ക്രൈസ്റ്റ് ദ കിംഗ്’ എന്നീ ആല്‍ബങ്ങളും ശ്രദ്ധേയമായി രുന്നു.
2016-ല്‍ ഏറ്റവും കൂടുതല്‍ വിറ്റഴിഞ്ഞ ആല്‍ബവും ഇവരുടെ ‘മൈ ലോര്‍ഡ്’ ആണ്. അമ്പതോളം ഹിറ്റ് ഗാനങ്ങള്‍ ഈ ടീമിന്റേതായി പുറത്തിറങ്ങിക്കഴിഞ്ഞു. തിരുവല്ല വെണ്‍പാല സ്വദേശി യായ അരുണ്‍ വെണ്‍പാലയും, കോട്ടയം ചെങ്ങളം സ്വദേശിയായ രഞ്ജുവും, ആല്‍ബങ്ങളിലൂടെ ശ്രദ്ധേയരായി, സിനിമാരംഗ ത്തേക്കും കടന്നുവരാന്‍ തയാറെടുക്കുകയാണ്. പ്രമുഖരായ പല സംവിധായകര്‍ക്കും ഇവരുടെ ഗാനങ്ങള്‍ ഇഷ്ടപ്പെട്ടുകഴിഞ്ഞു. -അയ്മനം സാജന്‍
