കല്യാണത്തിനെത്തിച്ചേര്‍ന്ന ബോളിവുഡ് താരങ്ങളായ ഷാരൂഖ് ഖാനും രണ്‍വീര്‍സിംഗിനുമുള്‍പ്പെടെ തന്‍റെ സുഹൃത്തുക്കള്‍ക്കെല്ലാം രണ്ട് കോടി രൂപയുടെ വാച്ച് സമ്മാനിച്ച് അനന്ത് അംബാനി.
മുകേഷ് അംബാനിയുടെയും നിത അംബാനിയുടെയും ഇളയ മകന്‍ അനന്ത് അംബാനി തന്‍റെ സുഹൃത്തുക്കള്‍ക്ക് സമ്മാനിച്ച വാച്ചിന്‍റെ വിലയാണ് സമൂഹമാധ്യമങ്ങളിൽ ഇപ്പോൾ ചര്‍ച്ചയാകുന്നത്.
2കോടി രൂപയുടെ വാച്ച് കിട്ടിയവരെല്ലാം ചേര്‍ന്നെടുത്ത വീഡിയോ സോഷ്യൽ മീഡിയയിൽ ശ്രദ്ധ നേടുകയാണ്. ലിമിറ്റഡ് എഡിഷന്‍ വാച്ചായ ഓഡ്‌മാര്‍സ് പിഗറ്റ് ആണ് അംബാനി പുത്രന്‍ സുഹൃത്തുക്കള്‍ക്ക് നല്‍കിയത്. ഷാരൂഖും രണ്‍വീര്‍സിംഗുമുള്‍പ്പെടെ ഈ വാച്ച് കാണിച്ചാണ് വിഡിയോ തയ്യാറാക്കിയിരിക്കുന്നത്.
ദഇന്ത്യന്‍ഹൊറോളജി എന്ന ഇന്‍സ്റ്റഗ്രാം ഹാന്‍ഡിലിലൂടെയാണ് വിഡിയോ ഷെയര്‍ ചെയ്തതിരിക്കുന്നത്. പിങ്ക് ഗോള്‍ഡ് നിറമുള്ള വാച്ചിന് ഇരുണ്ട നീല നിറത്തിലുള്ള സബ് ഡയല്‍സാണുള്ളത്.
