മകളെ കൊലപ്പെടുത്താൻ ശ്രമിച്ച ഷൈ​ജു തി​ക​ഞ്ഞ മ​ദ്യ​പാ​നി: കൃ​ത്യം ന​ട​ത്തി​യ​ത് മ​ദ്യ​പി​ക്കാ​ത്ത സ​മ​യ​ത്ത്; ഷൈ​ജു തോ​മ​സി​നെക്കു​റി​ച്ച് പു​റ​ത്തു വ​രു​ന്ന​ത് ക്രൂ​ര​മാ​യ ക​ഥ​ക​ൾ

അ​ങ്ക​മാ​ലി: അ​ങ്ക​മാ​ലി​യി​ൽ പി​ഞ്ചു കു​ഞ്ഞി​നെ കൊ​ല​പ്പെ​ടു​ത്താ​ൻ ശ്ര​മി​ച്ച കേ​സി​ൽ ഷൈ​ജു തോ​മ​സി​നെ (40) ക്കു​റി​ച്ച് പു​റ​ത്തു വ​രു​ന്ന​ത് ക്രൂ​ര​മാ​യ ക​ഥ​ക​ൾ.

ഭൂ​രി​ഭാ​ഗം ദി​വ​സ​ങ്ങ​ളി​ലും മ​ദ്യ​പി​ച്ചെ​ത്തി കു​ടും​ബാം​ഗ​ങ്ങ​ളെ മ​ർ​ദി​ക്കു​ന്ന​ത് പ​തി​വാ​ണെ​ന്നും എ​ന്നാ​ൽ കൃ​ത്യം ന​ട​ത്തി​യ ദി​വ​സം ഷൈ​ജു മ​ദ്യ​പി​ച്ചി​രു​ന്നി​ല്ലെ​ന്നും കു​ഞ്ഞി​ന്‍റെ അ​മ്മ പ​റ​ഞ്ഞു.

ഫേ​സ്ബു​ക്കി​ലൂ​ടെ​യാ​യി​രു​ന്നു ഷൈ​ജു​വു​മാ​യി നേ​പ്പാ​ൾ സ്വ​ദേ​ശി​നിയാ​യ യു​വ​തി പ​രി​ച​യ​പ്പെ​ട്ട​ത്. തു​ട​ർ​ന്ന് നേ​പ്പാ​ളി​ൽ വ​ച്ച് വി​വാ​ഹ​വും ന​ട​ത്തി. വി​വാ​ഹ ശേ​ഷ​മാ​ണ് ഷൈ​ജു​വി​ന്‍റെ കു​ടും​ബാം​ഗ​ങ്ങ​ളോ​ടൊ​പ്പം അ​ങ്ക​മാ​ലി പാ​ലി​യേ​ക്ക​ര​യി​ൽ വാ​ട​ക​യ്ക്ക് താ​മ​സം തു​ട​ങ്ങി​യ​ത്.

പ​റ​യ​ത്ത​ക്ക ജോ​ലി​യൊ​ന്നും ഇ​യാ​ൾ​ക്കി​ല്ലാ​യി​രു​ന്നു. ദി​വ​സ​വും മ​ദ്യ​പി​ച്ചെ​ത്തി ഭാ​ര്യ​യേ​യും സ​ഹോ​ദ​രി​യേ​യും മ​ർ​ദി​ക്കു​ന്ന​ത് ഷൈ​ജു പ​തി​വാ​ക്കി​യി​രു​ന്നു. ഭാ​ര്യ ഗ​ർ​ഭി​ണി​യാ​യ​പ്പോ​ൾ മു​ത​ൽ സം​ശ​യ​രോ​ഗ​വും തു​ട​ങ്ങി.

ഭാ​ര്യ​യെ മ​ർ​ദി​ക്കു​ന്ന​ത് ത​ട​യാ​ൻ ശ്ര​മി​ക്കു​ന്പോ​ഴാ​ണ് ഷൈ​ജു അ​മ്മ​യേ​യും സ​ഹോ​ദ​രി​യേ​യും ആ​ക്ര​മി​ച്ചി​രു​ന്ന​ത്. പ്ര​സ​വ​ശേ​ഷം മ​ർ​ദ​നം തു​ട​ർ​ന്ന ഷൈ​ജു രാ​ത്രി കു​ഞ്ഞു ക​ര​യു​മ്പോ​ൾ കു​ഞ്ഞി​നേ​യും പ​ല ത​വ​ണ മ​ർ​ദി​ച്ചി​ട്ടു​ണ്ട്.

ക​ഴി​ഞ്ഞ 18ന് ​പു​ല​ർ​ച്ചെ കു​ഞ്ഞ് വീ​ണ്ടും ക​ര​ഞ്ഞ​പ്പോ​ൾ ക്രൂ​ര​മാ​യി കു​ഞ്ഞി​നെ മ​ർ​ദി​ക്കു​ക​യാ​യി​രു​ന്നു. തു​ട​ർ​ന്ന് കു​ടും​ബാം​ഗ​ങ്ങ​ൾ ത​ന്നെ കു​ഞ്ഞി​നെ ആ​ശു​പ​ത്രി​യി​ൽ എ​ത്തി​ച്ചു. കു​ഞ്ഞ് ക​ട്ടി​ലി​ൽ​നി​ന്ന് വീ​ണു എ​ന്നാ​യി​രു​ന്നു ആ​ശു​പ​ത്രി​യി​ൽ ഷൈ​ജു പ​റ​ഞ്ഞ​ത്.