മാധവ് സുരേഷ്, സൈജു കുറുപ്പ്, ഷൈന്‍ ടോം ചാക്കോ എന്നിവരെ നായകരാക്കി സുജിത് എസ്.നായര്‍ രചനയും സംവിധാനവും നിര്‍വഹിക്കുന്ന ഗ്യാംഗ്സ്റ്റര്‍ ഡ്രാമ ത്രില്ലര്‍ ചിത്രം അങ്കം അട്ടഹാസം ചിത്രീകരണം തിരുവനന്തപുരത്ത് തുടങ്ങി.
തലസ്ഥാനത്തെ ഗുണ്ടാ സംഘങ്ങളുടെ കുടിപ്പകയാണ് ചിത്രം പ്രമേയമാക്കുന്നത്. തിരുവനന്തപുരത്ത് നടന്ന പൂജാ ചടങ്ങില്‍ രാധികാ സുരേഷ് ഗോപി തിരി തെളിച്ച് ചിത്രീകരണത്തിന് തുടക്കം കുറിച്ചു.
മഖ്ബൂല്‍ സല്‍മാന്‍, നന്ദു, അലന്‍സിയര്‍, എം എ നിഷാദ്, സ്വാസിക, സിബി തോമസ് എന്നിവരും അഭിനയിക്കുന്നു.ബാനര്‍ – ട്രയാനി പ്രൊഡക്ഷന്സ്, കോ- റൈറ്റര്‍, നിര്‍മാണം – അനില്‍കുമാര്‍ ജി, കോ- പ്രൊഡ്യൂസര്- സാമുവല്‍ മത്തായി (യു എസ് എ), ഛായാഗ്രഹണം – ശിവന്‍ എസ് സംഗീത്, എഡിറ്റിംഗ് – അജു അജയ്, പിആര്‍ഒ – അജയ് തുണ്ടത്തില്‍.
